ସରକାରୀ ବାସଭବନରୁ ଯନ୍ତ୍ରୀଙ୍କ ମୃତଦେହ ଉଦ୍ଧାର

ସନ୍ଦେହ ଜନକ ଭାବେ ଯନ୍ତ୍ରୀଙ୍କ ମୃତ୍ୟୁ । ବସ୍ତା ବାଲିଆପାଳ ବ୍ଲକ ଆରଡବ୍ଲୁଏସଏସ କନିଷ୍ଠ ଯନ୍ତ୍ରୀ ସଂଜୟ ନାୟକଙ୍କ ମୃତଦେହ ସରକାରୀ ବାସଭବନରୁ ଉଦ୍ଧାର ହୋଇଛି । ଆଜି ସକାଳେ ପ୍ରଥମେ ତାଙ୍କ କର୍ମଚାରୀମାନେ ଯନ୍ତ୍ରୀଙ୍କୁ ତଳେ ପଡିଥିବା ଦେଖିବାକୁ ପାଇଥିଲେ । ଏହାପରେ ସାଙ୍ଗେ ସାଙ୍ଗେ ତାଙ୍କୁ ବାଲିଆପାଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର କିନ୍ତୁ ଯନ୍ତ୍ରୀଙ୍କର ମତ୍ୟୁ ହୋଇଥିବା କହିଛନ୍ତି । ତେବେ ମୃତ୍ୟୁର କାରଣ ଅସ୍ପଷ୍ଟ ରହିଛି । ତେଣୁ ବାଲିଆପାଳ ପୋଲିସ ଏବେ ତାଙ୍କ ସରକାରୀ ବାସଭବନରେ ପହଞ୍ଚି ତଦନ୍ତ କରୁଛି ।