ବୃନ୍ଦାବନରେ ପହଞ୍ଚିଛନ୍ତି ବିରାଟ କୋହଲି ଏବଂ ଅନୁଷ୍କା ଶର୍ମା । ଅକ୍ଷୟ ତୃତୀୟା ଅବସରରେ ଦୁହେଁ ପ୍ରେମାନନ୍ଦ ମହାରାଜାଙ୍କ ଦର୍ଶନ କରିବାକୁ ପହଞ୍ଚିଛନ୍ତି । ଏହି ସମୟରେ ଦୁହେଁ ଭକ୍ତିରେ ଲୀନ ହୋଇଛନ୍ତି । ପ୍ରବଚନ ଶୁଣି ଅନୁଷ୍କା ଇମୋସନାଲ ହୋଇଛନ୍ତି । ଦୁହିଁଙ୍କ ଭିଡିଓ ଭାଇରଲ ହେବାରେ ଲାଗିଛି ।
ବିରାଟ କୋହଲି ଏବେ ଆଇପିଏଲରେ ବ୍ୟସ୍ତ । ଆଇପିଏଲରେ ଚମତ୍କାର ପ୍ରଦର୍ଶନ କରୁଥିବା ବେଳେ ଏବେ ପତ୍ନୀଙ୍କୁ ଧରି ବୃନ୍ଦାବନ ପହଞ୍ଚିଛନ୍ତି ବିରୁଷ୍କା । ଅକ୍ଷୟ ତୃତୀୟା ଅବସରରେ ବିରୁଷ୍କା ପହଞ୍ଚିଥିଲେ ପ୍ରେମାନନ୍ଦ ଜି ମହାରଜାଙ୍କ ଶରଣରେ । ଏହି ଭିଡିଓ ସୋସିଆଲ ମିଡିଆରେ ଖୁବ୍ ଜୋରରେ ଭାଇରଲ ହେବାରେ ଲାଗିଛି ।
ଭିଡିଓରେ ଦେଖିବାକୁ ମିଳିଛି କି, ଯେଉଁଥିରେ ଦୁଇଜଣ ଏକ ଆଶ୍ରମରେ ବସିଥିବାର ଦେଖାଯାଉଛି । ଜୀବନର ରହସ୍ୟ, କ୍ଷମାର ଗୁରୁତ୍ୱ ଓ ଏକ ସୁଖୀ ଦାମ୍ପତ୍ୟ ଜୀବନ ପାଇଁ ମନ୍ତ୍ର ଶିଖିବା ପାଇଁ ପ୍ରାୟତଃ ମହାରାଜ ଜୀଙ୍କୁ ଦର୍ଶନ କରି ପ୍ରବଚନ ଶୁଣୁଛନ୍ତି । ସେ ପ୍ରେମାନନ୍ଦ ଜୀ ମହାରାଜଙ୍କ ସହିତ ଏକ ଗଭୀର ଆଧ୍ୟାତ୍ମିକ ଆଲୋଚନା କରିଥିଲେ । ଗତ ପାଞ୍ଚ ମାସ ମଧ୍ୟରେ ଏହା ସେମାନଙ୍କର ତୃତୀୟ ଥର ଗସ୍ତ।
ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋରର ଶେଷ ମ୍ୟାଚ୍ ଶନିବାର ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଥିଲା । ଯେଉଁଠାରେ କୋହଲି ୧୩ ବଲ୍ ରୁ ମାତ୍ର ୧୯ ରନ୍ କରିପାରିଥିଲେ ।
