ମୁମ୍ବାଇ : ଆଜିଠୁ ଟି-୨୦ ବିଶ୍ବକପ୍ । ପ୍ରଥମ ଦିନରେ ଆୟୋଜକ ଭାରତକୁ ଭେଟିବ ଆମେରିକା । ମୁମ୍ବାଇରେ ଖେଳାଯିବ ମ୍ୟାଚ । ବିଶ୍ବକପ୍ ପୂର୍ବରୁ ନ୍ୟୁଜିଲାଣ୍ଡ ବିପକ୍ଷ ଟି-୨୦ ସିରିଜ ଜିତିଥିବାରୁ ଭାରତର ମନୋବଳ ଦୃଢ ରହିଛି । ତେଣୁ ଆଜି ପ୍ରଥମ ମ୍ୟାଚ ଜିତି ବିଜୟ ଅଭିଯାନ ଆରମ୍ଭ କରିବାକୁ ଲକ୍ଷ୍ୟ ରଖିଛି ଟିମ୍ ଇଣ୍ଡିଆ । ଏବେ ଭାରତର ପ୍ରଦର୍ଶନ ଭଲ ରହିଛି । ଆଜି ବରୁଣ ଚକ୍ରବର୍ତ୍ତୀ ଓ କୁଳଦୀପ ଯାଦବଙ୍କ ମଧ୍ୟରୁ ଜଣଙ୍କୁ ସୁଯୋଗ ମିଳିପାରେ ।
ଅଭିଷେକ ଶର୍ମା ଓ ଇଶାନ କିଷନ ଓପନିଂ କରିବେ । ୱାଶିଂଟନ୍ ସୁନ୍ଦର ସୁସ୍ଥ ହୋଇଥିଲେ ମଧ୍ୟ ୱାର୍ମ ଅପ୍ ମ୍ୟାଚ ଖେଳିନଥିଲେ । ତେଣୁ ୟୁଏସ୍ ବିପକ୍ଷରେ ଅଲରାଉଣ୍ଡର ଅକ୍ଷର ପଟେଲ ଖେଳିବା ସମ୍ଭାବନା ଅଧିକ ରହିଛି । ଅନ୍ୟପଟେ ଆଜି କଲମ୍ବୋରେ ପାକିସ୍ତାନ ଓ ନେଦରଲାଣ୍ଡସ୍ ମୁହାଁମୁହିଁ ହେବେ । ଅପରାହ୍ନରେ କୋଲକାତାରେ ୱେଷ୍ଟଇଣ୍ଡିଜ୍ ଓ ସ୍କଟଲ୍ୟାଣ୍ଡ ମଧ୍ୟରେ ମ୍ୟାଚ ଖେଳାଯିବ ।
