ଯାଜପୁର ଟାଉନ: ଯାତ୍ରାପ୍ରେମୀଙ୍କ ପାଇଁ ବଡ଼ ଖବର । ଆଜି ମଞ୍ଚକୁ ଚଢିବେ ପୀୟୂଷ ତ୍ରିପାଠୀ । ବିଞ୍ଝାରପୁର ବ୍ଲକ ବରୁଣେଶ୍ୱର ପୀଠରେ ଆୟୋଜିତ ପ୍ରସିଦ୍ଧ ବରୁଣେଶ୍ୱର ମେଳାରେ ଯାତ୍ରା ମଞ୍ଚରେ ଅଭିନୟ କରିବେ ପୀୟୂଷ ତ୍ରିପାଠୀ । ତାଙ୍କର ମଞ୍ଚ ଫେରାକୁ ନେଇ ଯାତ୍ରାପ୍ରେମୀଙ୍କ ମଧ୍ୟରେ ଦେଖାଦେଇଛି ଅସୀମ ଉତ୍ସାହ ଓ ଉତ୍କଣ୍ଠା ।
ଯାତ୍ରା ସିଂହବାହିନୀ ପକ୍ଷରୁ ଆଜି ମଞ୍ଚସ୍ଥ ହେବାକୁ ଥିବା ଏକ ନାଟକରେ ପୀୟୂଷ ତ୍ରିପାଠୀ ଅଭିନୟ କରିବେ । ନାଟକକୁ ନେଇ ମେଳା ପରିସରରେ ପୂର୍ବରୁ ଦେଖାଦେଇଛି ବେଶ ଚଞ୍ଚଳତା । ଟିକେଟ କାଉଣ୍ଟରରେ ଦର୍ଶକଙ୍କ ଲମ୍ବା ଧାଡ଼ି ଲାଗିଛି । ପୀୟୂଷଙ୍କ ଉପରୁ କଟକଣା ହଟିବା ପରେ ଯାତ୍ରା ଜଗତରେ ଏହାକୁ ଏକ ବଡ଼ ଘଟଣା ଭାବେ ଦେଖିବାକୁ ମିଳିଛି ।
