ଇରାନ ସୁପ୍ରିମକୋର୍ଟ ବାହାରେ ଦୁଇ ବିଚାରପତିଙ୍କୁ ହତ୍ୟା

ତେହେରାନ : ଇରାନ ସୁପ୍ରିମ୍ କୋର୍ଟର ଦୁଇ ଜଣ ବିଚାରପତିଙ୍କୁ ଶନିବାର ତେହେରାନରେ ଗୁଳି କରି ହତ୍ୟା କରାଯାଇଛି। ସୁପ୍ରିମକୋର୍ଟ ବାହାରେ ସେମାନଙ୍କୁ ଗୁଳି କରାଯାଇଥିଲା । ଗୁଳି କରିବା ପରେ ଆକ୍ରମଣକାରୀ ନିଜକୁ ଗୁଳିକରି ଆତ୍ମହତ୍ୟା କରିଥିଲା ।ଆକ୍ରମଣର ଉଦ୍ଦେଶ୍ୟ ଏପର୍ଯ୍ୟନ୍ତ ସ୍ପଷ୍ଟ ହୋଇନଥିଲେ ମଧ୍ୟ ୧୯୮୦ ଓ ୧୯୯୦ ଦଶକରେ ଇସଲାମିକ ଶାସନର ବିରୋଧୀଙ୍କୁ ହତ୍ୟା କରିବାରେ ଉଭୟ ମୃତ ବିଚାରପତିଙ୍କ ସମ୍ପୃକ୍ତି ଥିବା ଅଭିଯୋଗ ହୋଇଛି। ସେଥିପାଇଁ ଇସଲାମିକ ଶାସନରେ କ୍ରୋଧିତ ଲୋକମାନେ ନିଶ୍ଚୟ ସେମାନଙ୍କୁ ହତ୍ୟା କରିଥିବେ ବୋଲି ଅନୁମାନ କରାଯାଉଛି। ଏହାକୁ ଇରାନରେ ବିଦ୍ରୋହର ଆହ୍ୱାନ ଭାବରେ ମଧ୍ୟ ଦେଖାଯାଉଛି ।ଏପି ରିପୋର୍ଟ ଅନୁଯାୟୀ, ମୌଲବୀ ମହମ୍ମଦ ମୋଗେଶ ଏବଂ ଅଲ୍ଲୀ ରଜନୀ କୋର୍ଟରେ ପହଞ୍ଚିଥିବା ବେଳେ ଆମ୍ବୁଶର ସେମାନଙ୍କ ଉପରକୁ ଗୁଳି ଚଳାଇଥିଲେ। ୧୯ରେ ବିଚାରପତି ଅଲ୍ଲୀ ରଜନୀଙ୍କୁ ମଧ୍ୟ ଟାର୍ଗେଟ କରାଯାଇଥିଲା। କୋର୍ଟରୁ ଫେରୁଥିବା ବେଳେ ବାଇକ୍ ଆରୋହୀମାନେ ତାଙ୍କ ଗାଡ଼ି ଉପରକୁ ବିସ୍ଫୋରକ ଫିଙ୍ଗିଥିଲେ। ଏହି ଆକ୍ରମଣରେ ରଜନୀ ଗୁରୁତର ଆହତ ହୋଇଥିଲେ। ମୌଲବୀ ମହମ୍ମଦ ମୋଗେଶ ଆମେରିକା ବିରୋଧରେ ନିଜର କଠୋର ଆଭିମୁଖ୍ୟ ପାଇଁ ଜଣାଶୁଣା । ୨୦୧୯ରୁ ଆମେରିକା ତାଙ୍କୁ ନିଷିଦ୍ଧ କରିଛି। ଏହାପରେ ତାଙ୍କୁ ଜଣେ ବ୍ୟକ୍ତି ଭାବରେ ବର୍ଣ୍ଣନା କରାଯାଇଥିଲା ଯିଏ ପ୍ରମାଣ କୁ ନ ଦେଖି ମନଇଚ୍ଛା ଲୋକଙ୍କୁ ଦଣ୍ଡ ଦିଅନ୍ତି । ତାଙ୍କୁ ଗଣହତ୍ୟା ବିଚାରପତି କୁହାଯାଉଥିଲା।national