ଭୁବନେଶ୍ବର: ଏମ୍ସ ହସ୍ପିଟାଲ ସାମ୍ନାରେ ଆତଙ୍କ। ପୂର୍ବ ଶତ୍ରୁତାକୁ କେନ୍ଦ୍ର କରି ଯୁବକଙ୍କୁ ମରଣାନ୍ତକ ଆକ୍ରମଣ । ସିସିଟିଭିରେ କଏଦ ହେଲା ଆକ୍ରମଣ ସମୟର ଦୃଶ୍ୟ । ଆକ୍ରମଣ ପଛରେ ପୁରୁଣା ଶତ୍ରୁତା ଥିବା ସୂଚନା ମିଳିଛି । ଯୋଜନାବଦ୍ଧ ଭାବେ ଟାର୍ଗେଟ କରାଯାଇଥିବା ସଂଦେହ କରାଯାଉଛି। ଘଟଣାସ୍ଥଳରେ ପହଞ୍ଚି ଛାନଭିନ କରିଛି ପୋଲିସ । ସିସିଟିଭି ଫୁଟେଜ ଆଧାରରେ ଅଭିଯୁକ୍ତଙ୍କୁ ଧରିବା ପାଇଁ ରେଡ୍ କରୁଛି ଖଣ୍ଡଗିରି ଥାନା ପୋଲିସ ।
ସୂଚନାଯୋଗ୍ୟ, କିଛିଦିନ ପୂର୍ବରୁ କେନ୍ଦ୍ରାପଡ଼ା ଜିଲ୍ଲା ଆଳି ଥାନା ମହାଦେଇ ପାଟଣା ଗାଁର ଯୁବକ ଗୌରାଙ୍ଗଙ୍କ ଉପରେ ସଂଘବଦ୍ଧ ଆକ୍ରମଣ ହୋଇଥିଲା । ଏହାପରେ ନିଖୋଜ ଥିଲେ ଗୈାରାଙ୍ଗ । ଗୌରାଙ୍ଗଙ୍କୁ ଠାବ କରିବା ପାଇଁ ପଡ଼ିଥିଲା ଚହଳ । ଜଣେ ଅଭିଯୁକ୍ତ ଗିରଫ ପରେ ଠାବ ହେଲା ମୃତଦେହ । ଆଳି ଥାନା ପେତପଡା ପଞ୍ଚାୟତର ନ’ମାଣିଆ ପାଟ ମଝି ବେଣାବୁଦାରୁ ମିଳିଲା ଖପୁରୀ, ହାଡ଼ ଓ ପୋଷାକ । ଘଟଣାସ୍ଥଳ ଲୋକାରଣ୍ୟ । ହାଡ଼ ଓ ଖପୁରିକୁ ଜଗିରହିଥିଲେ ପୁଲିସ ବାହିନୀ ।
