ଓଡ଼ିଶାରେ ୫ ବର୍ଷରେ ସଡ଼କ ଦୁର୍ଘଟଣାରେ ୨୭,୧୬୭ ମୃତ୍ୟୁ:ପରିବହନ ମନ୍ତ୍ରୀ

ଭୁବନେଶ୍ୱର  : ଗତ ୫ ବର୍ଷରେ ଓଡ଼ିଶାରେ ସଡ଼କ ଦୁର୍ଘଟଣାରେ ୨୭,୧୬୭ ଜଣଙ୍କର ମୃତ୍ୟୁ ହୋଇଛି ବୋଲି ପରିବହନ ମନ୍ତ୍ରୀ ବିଭୂତି ଭୂଷଣ ଜେନା ଶୁକ୍ରବାର ବିଧାନସଭାରେ ବିଧାୟକ ଟଙ୍କଧର ତ୍ରିପାଠୀଙ୍କ ପ୍ରଶ୍ନର ଉତ୍ତରରେ ଜଣାଇଛନ୍ତି। ମନ୍ତ୍ରୀଙ୍କ ଅନୁଯାୟୀ, ୨୦୨୦ରୁ ୨୦୨୪ ମଧ୍ୟରେ ଦୁର୍ଘଟଣାରେ ୫୦,୦୪୧ ଜଣ ଆହତ ହୋଇଛନ୍ତି। ୨୦୨୪ରେ ସର୍ବାଧିକ ୬,୧୪୨ ଜଣଙ୍କର ମୃତ୍ୟୁ ହୋଇଛି। ସରକାରୀ ରିପୋର୍ଟ ଅନୁସାରେ, ରାଜ୍ୟରେ ଦୁର୍ଘଟଣା ଓ ମୃତ୍ୟୁ ସଂଖ୍ୟା ବୃଦ୍ଧି ଚିନ୍ତାଜନକ। ୨୦୨୩ରେ ୨୦୨୨ ତୁଳନାରେ ମୃତ୍ୟୁ ୨.୮୨% ବୃଦ୍ଧି ପାଇଥିବା ବେଳେ, ୨୦୨୪ରେ ଏହା ୨୦୨୩ ତୁଳନାରେ ୩.୧୯% ଅଧିକ ରହିଛି।