ଝିଙ୍କ ଆକ୍ରମଣରେ ଦୁଇ ଆହତ

ବଲାଙ୍ଗିର : ବଲାଙ୍ଗିର ଜିଲ୍ଲା ସଦର ଥାନା ଅଧୀନ ନାରାୟଣପୁର ଗ୍ରାମରେ ଝିଙ୍କ(ସାଇ)ଆକ୍ରମଣରେ ଦୁଇଜଣ ଯୁବକ ଆହତ ହୋଇଛନ୍ତି । ଝିଙ୍କ ଆକ୍ରମଣର ଶିକାର ହୋଇଥିବା ଯୁବକମାନେ ହେଲେ ପଦ୍ମଲୋଚନ ବିଶି ଓ ରଘୁନାଗ । ସୂଚନା ଅନୁସାରେ ଗତ ରବିବାର ସନ୍ଧ୍ୟାରେ ପଦ୍ମଲୋଚନ ଏବଂ ରଘୁ ଶୌଚ ହେବାପାଇଁ ଜଙ୍ଗଲ ଆଡ଼କୁ ଯାଇଥିଲେ । ଏହି ସମୟରେ ଏକ ଝିଙ୍କ ତାଙ୍କୁ ଆକ୍ରମଣ କରିଥିଲା । ଖବର ପାଇ ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ଭୀମଭୋଇ ମେଡିକାଲ କଲେଜ ହସ୍ପିଟାଲକୁ ଅଣାଯାଇଥିଲା । ଉଭୟଙ୍କ ଗୋଡ଼ ଓ ଅନ୍ୟାନ୍ୟ ସ୍ଥାନରେ କଣ୍ଟା ପଶିଛି ।