ଠାକୁରମୁଣ୍ଡା ତହସିଲଦାରଙ୍କ ଗାଡି ଦୁର୍ଘଟଣାଗ୍ରସ୍ତ

କରଞ୍ଜିଆ : ଠାକୁରମୁଣ୍ଡା ତହସିଲଦାରଙ୍କ ସରକାରୀ ଗାଡି ସହିତ ଏକ ବୋଇତାଳୁ ବୋଝେଇ ଟ୍ରାକ୍ଟର ମୁହାଁ ମୁହିଁ ଧକ୍କା ।  ଦୁର୍ଘଟଣାରେ ତହସିଲଦାରଙ୍କ ଗାଡିର ଡ୍ରାଇଭର ଗୁରୁତର ହୋଇଛନ୍ତି ।  ବୋଲେରୋ ନମ୍ବର ଓଡ଼ି ୦୯ ଏ ଡି ୫୨୧୫ ଗାଡିର ଡ୍ରାଇଭର ଅନ୍ତର୍ଯ୍ୟାମୀ ପଲେଇ ଗାଡି ନେଇ ତାଙ୍କ ନିଜ ଗ୍ରାମ ତାଳପଦା ଘରକୁ ଠାକୁରମୁଣ୍ଡା ରୁ ଫେରୁଥିଲେ ।  ଜୁଆଳିକଟା- ଭୀମକୁଣ୍ଡ ରାସ୍ତାର ଜୁଆଳିକଟା ନିକଟରେ ଦୁର୍ଘଟଣା ହେଇଥିଲା ।  ଠାକୁରମୁଣ୍ଡା ଥାନା ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଗାଡିକୁ ଜବତ କରି ତଦନ୍ତ ଜାରି ରଖିଛି।