ନିଶାସକ୍ତ ଅବସ୍ଥାରେ ମାଆକୁ ପିଟିପିଟି ମାରିଦେଲା ପୁଅ, ରାଜକନିକା ଥାନାରେ ପୁଅ ଅଟକ

ଆଳି : ମାଆକୁ ପିଟିପିଟି ମାରିଦେଲା ପୁଅ । କେନ୍ଦ୍ରାପଡା ଜିଲ୍ଲା ରାଜକନିକା ଥାନା ଅନ୍ତର୍ଗତ ପାତୁଳି ଗାଁରେ ହୀରାମଣି ସାହୁଙ୍କୁ (୭୫ )ତାଙ୍କ ପୁଅ ନିଶାସକ୍ତ ଅବସ୍ଥାରେ ଏକ ବାଡ଼ିରେ ପିଟିପିଟି ହତ୍ୟା କରିଥିବାର ଅଭିଯୋଗ ହୋଇଛି । ଗତକାଲି ବିଳମ୍ବିତ ରାତିରେ ମାଆ ଶୋଇଥିବା ବେଳେ ନିଶାସକ୍ତ ଅବସ୍ଥାରେ ପୁଅ ବିଜୟ ସାହୁ ଏକ ବାଡ଼ିରେ ମାଆଙ୍କୁ ଆକ୍ରମଣ କରିଥିଲା । ଫଳରେ ହୀରାମଣିଙ୍କର ମୃତ୍ୟୁ ଘଟିଥିଲା । ଆଜି ଗାଁ ଲୋକମାନେ ଏଘଟଣା ସମ୍ପର୍କରେ ଜାଣିବାପରେ ରାଜକନିକା ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଁଚି ପୁଅ ବିଜୟ ସାହୁକୁ ଥାନାରେ ଅଟକ ରଖିବା ସହିତ ସାଇଣ୍ଟିଫିକ ଟିମ୍ ସହାୟତାରେ ତଦନ୍ତ ଆରମ୍ଭ କରିଛି ।