ପ୍ରଥମ ଦିନିକିଆରେ ବାଜି ମାରିଲା ଭାରତ, ଇଂଲଣ୍ଡକୁ ୬ ୱିକେଟରେ କଲା ପରାସ୍ତ

ପ୍ରଥମ ଦିନିକିଆରେ ବାଜି ମାରିଲା ଭାରତ । ଏଜବାର୍ଷ୍ଟନଠାରେ ଖେଳାଯାଇଥିବା ପ୍ରଥମ ଦିନିକିଆ ମ୍ୟାଚରେ ଭାରତ ଦମଦାର ପ୍ରଦର୍ଶନ କରି ଇଂଲଣ୍ଡକୁ ୬ ୱିକେଟରେ ସହଜରେ ପରାସ୍ତ କରିଛି। ଏହି ବିଜୟ ସହ ଭାରତ ୩ ମ୍ୟାଚ୍ ବିଶିଷ୍ଟ ସିରିଜରେ ୧-୦ରେ ଆଗୁଆ ରହିଛି । ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଇଂଲଣ୍ଡ ଦଳ ୪୭.୫ ଓଭରରେ ୨୫୮ ରନ୍ କରି ଅଲ୍ ଆଉଟ୍ ହୋଇଯାଇଥିଲା । ଦଳ ପକ୍ଷରୁ ଜୋ ରୁଟ୍ ୭୬ଏବଂ ଲିଆମ୍ ଡସନ୍ ୬୮ ରନ୍ କରିଥିଲେ । ଭାରତ ପକ୍ଷରୁ ଅକ୍ଷର ପଟେଲ ଚମତ୍କାର ବୋଲିଂ କରି ୬୨ ରନ୍ ଦେଇ ୪ଟି ୱିକେଟ୍ ଅକ୍ତିଆର କରିଥିଲେ । ୨୫୯ ରନର ବିଜୟ ଲକ୍ଷ୍ୟକୁ ପିଛା କରି ଭାରତ ୪୫.୨ ଓଭରରେ ୪ ୱିକେଟ୍ ହରାଇ ୨୬୨ ରନ୍ କରି ମ୍ୟାଚ୍ ଜିତି ନେଇଥିଲା । ଶୁବମନ ଗିଲ୍ ମାତ୍ର ୭୫ ବଲରେ ୮୦ ରନର ଏକ ଜବରଦସ୍ତ ଅପରାଜିତ ପାଳି ଖେଳି ଦଳକୁ ଜିତାଇଥିଲେ ।