ରାସ୍ତାରୁ ମିଳିଲା ସୁନା ଅଳଙ୍କାର ଓ ଟଙ୍କା ଥିବା ବ୍ୟାଗ, ଉପଯୁକ୍ତ ତଥ୍ଯ ଦେଇ ନେଇଯିବାକୁ କହିଛନ୍ତି ପାଇଥିବା ବ୍ୟକ୍ତି

ରେଢ଼ାଖୋଲ : ରାସ୍ତାରୁ ମିଳିଲା ସୁନା ଅଳଙ୍କାର । ରେଢ଼ାଖୋଲ ଥାନା କଦଳୀଗଡ଼- କିଶୋରନଗର ରାସ୍ତାର ସାମସିଂହା ଛାତ୍ରୀନିବାସ ନିକଟରୁ ରାସ୍ତାରେ ପଡ଼ିଥିବା ଏକ ବ୍ୟାଗରୁ କିଛି ସୁନା ଅଳଙ୍କାର ଓ ଟଙ୍କା ମିଳିଛି । କଦଳୀଗଡ଼ ଗାଁର ଜିତେନ୍ଦ୍ର ପ୍ରସାଦ କଅଁର ଏହି ବ୍ୟାଗକୁ ପାଇଛନ୍ତି । ସୁନା ଅଳଙ୍କାର ଓ ଟଙ୍କା ଥିବା ବ୍ୟାଗକୁ ସେ ଏହାର ମାଲିକଙ୍କୁ ସୁରକ୍ଷିତ ଭାବେ ଫେରାଇ ଦେବାକୁ ଚାହାନ୍ତି । ଏଥିପାଇଁ ଜିତେନ୍ଦ୍ର ଆଖପାଖ ଅଞ୍ଚଳରେ ଅନେକ ଲୋକଙ୍କୁ ପଚରାଉଚୁରା କରିଥିଲେ ହେଲେ ବ୍ୟାଗ ହଜାଇଥିବା ଲୋକଙ୍କ କୌଣସି ସନ୍ଧାନ ପାଇପାରିନାହାନ୍ତି । ଏ ନେଇ ଉପଜିଲ୍ଲାପାଳ ରଶ୍ମିରଞ୍ଜନ ମହନ୍ତଙ୍କୁ ମଧ୍ଯ ଜିତେନ୍ଦ୍ର ଅବଗତ କରାଇଛନ୍ତି । ଟଙ୍କା ଅଳଙ୍କାର ନେଇ ପ୍ରକୃତ ତଥ୍ଯ ଦେଲେ ଜିତେନ୍ଦ୍ର ଏହାକୁ ସଂପୃକ୍ତ ବ୍ୟକ୍ତିଙ୍କୁ ଫେରାଇ ଦେବେ ବୋଲି କହିଛନ୍ତି ।