ଭୁବନେଶ୍ୱର : ରିମାଣ୍ଡରେ ଯିବ ଇରଫାନ୍ ଅନସାରୀ । ଲଭ୍ ଜିହାଦ ଲିଙ୍କ୍ ଖୋଳତାଡ କରିବ ପୋଲିସ । ସାମ୍ନାକୁ ଆସିଲା ଇରଫାନର ଚାଲ୍ । ପ୍ରେମ ଜାଲର ଫସାଇବାକୁ ରଚୁଥିଲା ଚକ୍ରାନ୍ତ । ଏବେ ଛଦ୍ମ ବେଶର ପରିଚୟ ଖୁଲାସା ହୋଇଛି । ଇରଫାନ୍ ଅନସାରୀରୁ ଜୟରାଜ ଶର୍ମା ସାଜିଥିଲା । ପୋଲିସ ହାତରେ ଲାଗିଛି ଏକ ଆନ୍ଧ୍ର ନମ୍ବର ବିଶିଷ୍ଟ କାର ଓ କିଛି ପରିଚୟ ପତ୍ର । ନକଲି ଆଧାରକାର୍ଡ ନେଇ ସହୀଦନଗର ଥାନା ତନାଘନା ଆରମ୍ଭ କରିଛି ।
ଖୁବଶୀଘ୍ର ରିମାଣ୍ଡରେ ଆଣି ପଚରା ଉଚରା କରିବ ପୋଲିସ । ଓଡ଼ିଆ ଯୁବତୀକୁ ଫସାଇବା ପଛର କାରଣ କଣ ଥିଲା ? ଥିଲା କିଛି ବଡ଼ ଧରଣର ଲଭ୍ ଜିହାଦ ନେଟୱର୍କ ଚକ୍ରାନ୍ତ ? ଯୁବତୀକୁ ଭୁବନେଶ୍ୱରରୁ ଆନ୍ଧ୍ର ନେବା ପାଇଁ ଚାଲର ରାଜ କଣ । ବିଭିନ୍ନ ଦିଗକୁ ସଂଦେହ କରୁଛି ପୋଲିସ । ଗତକାଲି ଇରଫାନ୍ ଅନସାରୀକୁ ଗିରଫ କରି କୋର୍ଟ ଚାଲାଣ କରିଥିଲା କମିଶନରେଟ୍ ପୋଲିସ । ସହୀଦ ନଗରର ଏକ ହୋଟେଲରେ ଯୁବତୀକୁ ବନ୍ଧକ ରଖିଥିଲା । କାର୍ ଯୋଗେ ଆନ୍ଧ୍ର ନେବାକୁ ଚେଷ୍ଟା କରୁଥିବା ବେଳେ ପୀଡ଼ିତାଙ୍କୁ ଉଦ୍ଧାର କରିଥିଲା ସହିଦନଗର ଥାନା ପୋଲିସ ।
