ନାସା: ଜ୍ୟୋତିର୍ବିଜ୍ଞାନୀମାନେ ଟ୍ରାନଜିଟ୍ ପଦ୍ଧତିରେ ଏକ ସର୍ବକନିଷ୍ଠ ଗ୍ରହକୁ ଠାବ କରିଛନ୍ତି। ଆଇଆର୍ଏଏସ୍ ୦୪୧୨୫+୨୯୦୨ବି ନାମକ ଏହି ଶିଶୁ ଗ୍ରହର ବୟସ ମାତ୍ର ୩ ନିୟୁତ ବର୍ଷ ଏବଂ ଏହା ୪୩୦ ଆଲୋକବର୍ଷ ଦୂରରେ ନବଜାତ ନକ୍ଷତ୍ରରେ ପରିପୂର୍ଣ୍ଣ ଏକ ନକ୍ଷତ୍ରୀୟ ନର୍ସରୀ ଟାଉରସ୍ ମଲିକ୍ୟୁଲାର କ୍ଲାଉଡ୍ରେ ବାସ କରେ। ଚାପେଲ ହିଲ୍ସ୍ଥିତ ୟୁନିଭର୍ସିଟି ଅଫ୍ ନର୍ଥ କରୋଲିନାର ମ୍ୟାଡିସନ୍ ଜି ବାର୍ବରଙ୍କ ନେତୃତ୍ୱରେ ତଥା ନେଚରରେ ପ୍ରକାଶିତ ଏହି ଆବିଷ୍କାର ଗ୍ରହଗୁଡ଼ିକର ସୃଷ୍ଟି ଓ ବିକାଶ ବିଷୟରେ ଆମର ବୁଝାମଣାକୁ ରୁଦ୍ଧିମନ୍ତ କରେ।
ଏଭଳି ଏକ ଛୋଟ ଗ୍ରହକୁ ଠାବ କରିବା ଅତ୍ୟନ୍ତ ବିରଳ, କାରଣ ସେମାନେ ପ୍ରାୟତଃ ସେମାନଙ୍କ ନକ୍ଷତ୍ର ଚାରିପାଖରେ ଘୂରି ବୁଲୁଥିବା ଆବର୍ଜନା ଡିସ୍କ ଦ୍ୱାରା ଲୁଚି ରହିଥାନ୍ତି। ତେବେ ଏହି ଗ୍ରହ ନିଜର ନିଆରା ପରିସ୍ଥିତି ପାଇଁ ଏକ ବିରଳ ଝଲକ ପ୍ରଦାନ କରିଛି। ଗ୍ରହର ବାହ୍ୟ ଆବର୍ଜନା ଡିସ୍କ ବିକୃତ ବା ବଙ୍କା ହେବା ଫଳରେ ନାସାର ଟ୍ରାନଜିଟିଂ ଏକ୍ସୋପ୍ଲେନେଟ୍ ସର୍ଭେ ସାଟେଲାଇଟ୍ (ଟେସ୍) ଏହାକୁ ନିରୀକ୍ଷଣ କରିବାର ସୁଯୋଗ ପାଇଥିଲା। ଏହା ଗବେଷକମାନଙ୍କୁ ଏହି ପ୍ରଣାଳୀକୁ ଅଧ୍ୟୟନ କରିବାକୁ ଅନୁମତି ଦେଇଥିଲା। ବିକୃତ ଡିସ୍କର କାରଣ ଏକ ଖୋଲା ପ୍ରଶ୍ନ ହୋଇ ରହିଛି।
ସମ୍ଭାବ୍ୟ ସ୍ପଷ୍ଟୀକରଣ ମଧ୍ୟରେ ନିକଟସ୍ଥ ନକ୍ଷତ୍ର ସାଥୀଙ୍କ ଗୁରୁତ୍ବାକର୍ଷଣର ପ୍ରଭାବ ଅନ୍ତର୍ଭୁକ୍ତ। ଏହି ବିକୃତିକୁ ବୁଝିବା ଦ୍ୱାରା ଗ୍ରହମଣ୍ଡଳର ଗତିଶୀଳ ପ୍ରାରମ୍ଭିକ ପର୍ଯ୍ୟାୟ ବିଷୟରେ ଗଭୀର ବୁଝାମଣା ମିଳିପାରିବ। ପର୍ଯ୍ୟବେକ୍ଷଣରୁ ଜଣାପଡିଛି ଯେ ଆଇଆର୍ଏଏସ୍ ୦୪୧୨୫+୨୯୦୨ବି ବୃହସ୍ପତିର ବସ୍ତୁତ୍ୱର ଏକ ତୃତୀୟାଂଶରୁ କମ୍ କିନ୍ତୁ ଏହାର ଆକାର ବୃହସ୍ପତି ସହ ସମାନ, ଯାହା ସୂଚିତ କରେ ଯେ ଏହା ଏକ କମ୍ ଘନତା ବିଶିଷ୍ଟ ଗ୍ରହ ଯାହାର ଏକ ଫୁଲୁକା ବାୟୁମଣ୍ଡଳ ଅଛି। ଏହା ସୂଚାଉଛି ଯେ ଏହି ଗ୍ରହ ଭବିଷ୍ୟତରେ ଏକ ମିନି-ନେପଚୁନ୍ କିମ୍ବା ଏକ ସୁପର-ଆର୍ଥକୁ ବିକଶିତ ହୋଇପାରେ। ଏହି ଆବିଷ୍କାର ଗ୍ରହ ବିବର୍ତ୍ତନର ଏକ ଅନନ୍ୟ ସ୍ନାପ୍ସଟ୍ (ଝଳକ) ପ୍ରଦାନ କରେ, ଯାହା ଏକଦା ଆମ ସୌରମଣ୍ଡଳ ଥିବା ପରି ଯୁବମଣ୍ଡଳରେ କିପରି ଗ୍ରହ ସୃଷ୍ଟି ହୁଏ ତାହାର ସଙ୍କେତ ପ୍ରଦାନ କରେ।
