ପ୍ରଧାନମନ୍ତ୍ରୀଙ୍କ ବିରୋଧରେ ନିର୍ବାଚନ କମିଶନଙ୍କ ନିକଟରେ କଂଗ୍ରେସର ଫେରାଦ: ଦଳର ନିର୍ବାଚନୀ ଘୋଷଣାପତ୍ରକୁ ନେଇ ମୋଦୀ ଆପତ୍ତିଜନକ ଟିପ୍ପଣୀ ଦେଇଥିବା ଅଭିଯୋଗ

ମୁଖ୍ୟ ନିର୍ବାଚନ କମିଶନଙ୍କ ନିକଟରେ କଂଗ୍ରେସ ପ୍ରତିନିଧିମଣ୍ଡଳୀର ଫେରାଦ । ପ୍ରଧାନମନ୍ତ୍ରୀ ମୋଦୀଙ୍କ ବିରୋଧରେ ଇସିଙ୍କ ନିକଟରେ ଦଳ ଦ୍ୱାରସ୍ଥ ହୋଇଛି । ନିର୍ବାଚନୀ ପ୍ରଚାର ସମୟରେ ମୋଦୀ କଂଗ୍ରେସ ନିର୍ବାଚନୀ ଇସ୍ତାହାରକୁ ନେଇ ଆପତିଜନକ ଟିପ୍ପଣୀ ଦେଇଥିବା ଦଳ ଅଭିଯୋଗ କରିଛି । କଂଗ୍ରେସ କହିଛି ଦେଶ ହିତରେ ଜାରି ଘୋଷଣାପତ୍ରକୁ ମୋଦୀ ମୁସଲିମ ଲିଗ ଘୋଷଣାପତ୍ର ସହ ତୁଳନା କରିବା ଅପରାଧ ଅଟେ । ରାଜସ୍ଥାନ ରାଲିରେ ମୋଦି କହିଥିଲେ ଯେ କଂଗ୍ରେସର ନିର୍ବାଚନୀ ଘୋଷଣାପତ୍ର ହେଉଛି ସମ୍ପୂର୍ଣ୍ଣ ମିଛ ଘୋଷଣାପତ୍ର । ଦେଶକୁ ଭାଗ ଭାଗ କରିବା ପାଇଁ ପ୍ରୟାସ କରାଯାଉଛି । କଂଗ୍ରେସର ଘୋଷଣାପତ୍ରରେ ଲାଗିଛି ମୁସଲିମ ଲିଗର ଷ୍ଟାମ୍ପ ।