ଯେକୌଣସି ବ୍ୟକ୍ତିଙ୍କ ପାଇଁ ହସିବା ସବୁଠାରୁ ଗୁରୁତ୍ୱପୂର୍ଣ୍ଣ । ଡାକ୍ତରଙ୍କ ଠାରୁ ଆରମ୍ଭ କରି ସ୍ୱାସ୍ଥ୍ୟ ବିଶେଷଜ୍ଞମାନେ ମଧ୍ୟ ମଣିଷକୁ ହସିବାକୁ ପରାମର୍ଶ ଦିଅନ୍ତି । କିନ୍ତୁ ଆପଣ ଜାଣନ୍ତି କି ଏପରି ଏକ ଦେଶ ଅଛି ଯେଉଁଠାରେ ହସିବା ପାଇଁ ବହୁତ କଠୋର ନିୟମ ଅଛି । ଏହି ଦେଶର ଲୋକମାନେ ଦିନକୁ ଥରେ ହସିବା ଆବଶ୍ୟକ । ଅନେକ ରୋଗ କେବଳ ହସିବା ଦ୍ୱାରା ଆରୋଗ୍ୟ ହୋଇପାରିବ । କିନ୍ତୁ ଆଜି ଆମେ ଆପଣଙ୍କୁ ଏପରି ଏକ ଦେଶ ବିଷୟରେ କହିବୁ ଯେଉଁଠାରେ ହସିବା ପାଇଁ କଠୋର ନିୟମ ଅଛି । ତେବେ ଆସନ୍ତୁ ଏହା ପଛର କାରଣ ଜାଣିବା ।
ଜାପାନ ହେଉଛି ଏକ ଦେଶ ଯେଉଁଠାରେ ଏହି ଅଜବ ଆଇନ ପ୍ରଣୟନ ହୋଇଛି । ଜାପାନର ୟାମାଗାଟା ପ୍ରିଫେକ୍ଟରରେ ପ୍ରଶାସନ ଏହାର ଲୋକଙ୍କ ସ୍ୱାସ୍ଥ୍ୟର ଯତ୍ନ ନେବା ପାଇଁ ଏକ ବିଶେଷ ଉପାୟ ପାଇଛି । ପ୍ରଶାସନ ଏକ ନିୟମ କରିଛନ୍ତି ଯେ ବର୍ତ୍ତମାନ ଲୋକଙ୍କୁ ଦିନକୁ ଅତି କମରେ ହସିବାକୁ ପଡିବ। ବାସ୍ତବରେ, ଏହି ନିୟମ ତିଆରି କରିବା ପଛରେ ଏକ ରିସର୍ଚ ଅଛି, ଯାହା ନିକଟରେ ଏକ ବିଶ୍ୱବିଦ୍ୟାଳୟରେ କରିଥିଲା ।
ୟାମାଗାଟା ବିଶ୍ୱବିଦ୍ୟାଳୟର ଅନୁସନ୍ଧାନରେ ଦାବି କରାଯାଇଥିଲା ଯେ ହସିବାର ସ୍ୱାସ୍ଥ୍ୟ ପାଇଁ ଅନେକ ଲାଭ ଅଛି । ଏହା ହୃଦ୍ ରୋଗକୁ ହ୍ରାସ କରିଥାଏ ଏବଂ ଜଣେ ବ୍ୟକ୍ତିର ଆୟୁ ମଧ୍ୟ ବଢ଼ାଇଥାଏ । ଏହି ନିୟମ ଅନୁଯାୟୀ, ହସିବା ଉପରେ କୌଣସି ବାଧ୍ୟତାମୂଳକ ଗୁରୁତ୍ୱ ନାହିଁ, ତଥାପି, ଏହା ମାଧ୍ୟମରେ ନାଗରିକମାନେ ଦିନସାରା ଏକ ହସ ଖୁସିଭରା ପରିବେଶ ସୃଷ୍ଟି କରିବାକୁ ପ୍ରେରିତ ହେଉଛନ୍ତି । ନିୟମ ଅନୁଯାୟୀ, ଏଠାରେ କର୍ମକ୍ଷେତ୍ରମାନଙ୍କରେ ମଧ୍ୟ ଲୋକଙ୍କୁ ଖୁସି ରହିବାକୁ ଉତ୍ସାହିତ କରାଯାଉଛି ।
ବର୍ତ୍ତମାନ ଆପଣ ଭାବୁଥିବେ ଯେ ଏଭଳି ନିୟମ ଆସିବା ପରେ ଯେଉଁମାନେ ନ ହସନ୍ତି ସେମାନଙ୍କୁ ଦଣ୍ଡ ଦିଆଯାଉଥିବ । କିନ୍ତୁ ଏଭଳି କିଛି ବି ନୁହେଁ । ଏଠାରେ ଯେଉଁମାନେ ହସନ୍ତି ନାହିଁ ସେମାନଙ୍କୁ କୌଣସି ଦଣ୍ଡ ଦିଆଯାଏ ନାହିଁ ବରଂ ଏହି ଲୋକଙ୍କୁ ଖୁସି ରଖିବା ପାଇଁ ପ୍ରୟାସ କରାଯାଏ । ସୂଚନାଯୋଗ୍ୟ, ୪୦ କିମ୍ବା ତଦୁର୍ଦ୍ଧ୍ୱ ବୟସର ୧୭,୧୫୨ ଅଂଶଗ୍ରହଣକାରୀଙ୍କୁ ନେଇ ଏକ ଅଧ୍ୟୟନ ପରେ ଏହି ନିୟମ ପ୍ରସ୍ତୁତ କରାଯାଇଥିଲା । ଅଧ୍ୟୟନର ଫଳାଫଳ ଦର୍ଶାଇଲା ଯେ ଯେଉଁମାନେ ସବୁବେଳେ ହସ ଖୁସିରେ ରହିଥାନ୍ତି ସେମାନଙ୍କ ହୃଦଘାତ ହେବାର ସମ୍ଭାବନା କମ୍ ଥାଏ ।
