ମୁମ୍ବାଇ: ଲୋକସଭା ନିର୍ବାଚନ ୨୦୨୪ ଅନେକ ସେଲିବ୍ରେଟଙ୍କ ପାଇଁ ଖୁସି ଆଣିଦେଇଛି। ଏହି ସେଲିବ୍ରେଟଙ୍କ ତାଲିକାରେ ଅରୁଣ ଗୋଭିଲ, କଙ୍ଗନା ରାନାୱତ, ହେମା ମାଳିନି, ଶତ୍ରୁଘ୍ନ ସିହ୍ନା, ରବି କିଶାନଙ୍କ ପରି ଷ୍ଟାରମାନେ ସାମିଲ ଅଛନ୍ତି । ଏପଟେ ପବନ ସିଂ, ଦୀନେଶ ଲାଲ ଯାଦବଙ୍କ ପରି କେତେକ ସେଲିବ୍ରିଟିମାନେ ନିର୍ବାଚନ ହାରିଯିବା ପରେ ଅସନ୍ତୁଷ୍ଟ ହୋଇଯାଇଛନ୍ତି। ଏହି କ୍ରମରେ ଦେଖିବାକୁ ଗଲେ ୩୬ ବର୍ଷ ବୟସ୍କା ଅଭିନେତ୍ରୀ ନେହା ଶର୍ମା ୨୦୨୪ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ନଥିବା ସତ୍ତ୍ବେ ଦୁଃଖୀ ହୋଇଯାଇଛନ୍ତି। କାରଣ ତାଙ୍କ ବାପା କଂଗ୍ରେସରୁ ଟିକେଟ ପାଇ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିଲେ। କି ଏହି ସମୟରେ ନେହା ତାଙ୍କ ପିତାଙ୍କ ପାଇଁ ଖୁବ ପ୍ରଚାର କରିଥିଲେ। କିନ୍ତୁ ଦୁଃଖର ବିଷୟ ଅଭିନେତ୍ରୀଙ୍କ ପ୍ରଚାର କାମ ଦେଲା ନାହିଁ । ନେହାଙ୍କ ବାପା ଚଳିତ ନିର୍ବାଚନରେ ପରାଜୟ ହୋଇଯାଇଛନ୍ତି।
ନେହା ଶର୍ମାଙ୍କ ବାପାଙ୍କ ନାମ ଅଜିତ ଶର୍ମା, ଯିଏକି ୨୦୧୪, ୨୦୧୫ ଏବଂ ୨୦୨୦ରେ ବିହାରର ଭାଗଲପୁର ବିଧାନସଭାରୁ ଜିତିଥିଲେ। ଏଥର ସେ କଂଗ୍ରେସ ପକ୍ଷରୁ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିଲେ। ପିତାଙ୍କ ପରାଜୟରେ ନେହା ଦୁଃଖୀ ହୋଇ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଏକ ଭିଡିଓ ସେୟାର କରିଛନ୍ତି। ଯେଉଁଥିରେ ବାଜେପେୟୀ ଧୃବୀକରଣ, ଜାତି ଓ ସଂମ୍ପ୍ରଦାୟିକତା ପ୍ରଚାର ନକରିବାକୁ କବିତା ପଢ଼ୁଛନ୍ତି।
