ଅହମଦାବାଦ : ବିଗତ ଏକ ସପ୍ତାହ ମଧ୍ୟରେ ଗୁଜରାଟର ଗିର୍ ଜଙ୍ଗଲରେ ୭ଟି ସିଂହ ପ୍ରାଣ ହରାଇଥିବା ଜଣାପଡିଛି। ଏମାନଙ୍କ ମଧ୍ୟରେ ଚାରି ଶାବକ ସାମିଲ ଅଛନ୍ତିି। ସଂକ୍ରମଣ କାରଣରୁ ଏମାନଙ୍କର ମୃତ୍ୟୁ ଘଟିଥିବା ଡାକ୍ତରୀ ଦଳ ରିପୋର୍ଟ ଦେଇଛନ୍ତି। ଏହି ପରିପ୍ରେକ୍ଷୀରେ ଗିର୍ ଜଙ୍ଗଲରେ ଥିବା ୧୭ ସିଂହ/ସିଂହୀଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଇଛି। ଏହା ବ୍ୟତୀତ ବନ ବିଭାଗ ପକ୍ଷରୁ ଆମରେଲି ଓ ଭାବନଗର ଜିଲାରେ ଥିବା ସିଂହଙ୍କ ଉପରେ ନଜର ରଖାଯାଇଛି। ବର୍ତ୍ତମାନ ଗୁଜରାଟରେ ମୋଟ ୮୯୧ ସିଂହ ଥିବାବେଳେ କେବଳ ଗିର୍ ଜଙ୍ଗଲରେ ୩୫୦ରୁ ଅଧିକ ସିଂହ ଅବସ୍ଥାନ କରୁଛନ୍ତି। ପ୍ରଚଣ୍ଡ ଗରମ ଯୋଗୁଁ ଅଧିକାଂଶ ସିଂହ ସିଡିଭି (କାନାଇନ ଡିସ୍ଟେମ୍ପର ଭାଇରସ୍)ରେ ଆକ୍ରାନ୍ତ ହେଉଛନ୍ତି ବୋଲି ମୁଖ୍ୟ ବନ ସଂରକ୍ଷକ ଜୟପାଲ ସିଂହ ଗଣମାଧ୍ୟମକୁ ସୂଚନା ଦେଇଛନ୍ତି। ଗୁଜରାଟ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ଏହି ପ୍ରସଙ୍ଗରେ ଉଚ୍ଚସ୍ତରୀୟ ବୈଠକ ଡକାଇ ପରିସ୍ଥିତି ସମୀକ୍ଷା କରିଛନ୍ତି। ଆମରେଲି ଓ ଭାବନଗର ଜିଲାରେ ଥିବା ସବୁ ସିଂହ, ସିଂହୀ ଓ ଶାବକଙ୍କର ଦୈନନ୍ଦିନ ସ୍ବାସ୍ଥ୍ୟ ପରୀକ୍ଷା ପାଇଁ ବନ ବିଭାଗକୁ କଡା ନିର୍ଦେଶ ଦିଆଯାଇଛି।
Mo Odisha
“Mo Odisha” is one of the well known News Websites in Odisha. Mo Odisha is a news portal functioning since 2006 and appreciated by thousand of viewers. This news portal is a part of Pabitrainfotech with media partners: – E-Halchal, Ollywood Diary, Odisha market, Pabitra Entertainment, Namaskar Odisha, and Odisha Radio.
Subscribe
© Mo Odisha. All Rights Reserved. Powered By Suryanandan.net