ମୟୁରଭଞ୍ଜ : ଶିମିଳିପାଳରେ ବୁଲୁଛି ମହାରାଷ୍ଟ୍ରର ମହାବଳ । ୧୫୦୦ରୁ ଊର୍ଦ୍ଧ୍ଵ କିଲୋମିଟର ଜଙ୍ଗଲ ରାସ୍ତା ଅତିକ୍ରମ କରି ମହାରାଷ୍ଟ୍ରର ଏକ ମହାବଳ ବାଘ ଏବେ ଶିମିଳିପାଳରେ ବିଚରଣ କରୁଛି । ବାଘ ଗଣତି ପାଇଁ ଲାଗିଥିବା ସିସିଟିଭି ଫୁଟେଜ୍ରୁ ଏହି ଘଟଣା ୪ମାସ ତଳେ ଜଣାପଡ଼ିଥିଲା ହେଲେ ଆଜି ଲୋକଲୋଚନକୁ ଆସିଛି । ଏହି ଅଣ୍ଡିରା ମହାବଳ ବାଘଟିର ବୟସ ପାଖାପାଖୁ ୪ ରୁ ୫ ବର୍ଷ ହୋଇଥିବା ଅନୁମାନ କରାଯାଉଛି । ଏହି ଖବର ପ୍ରଘଟ ହେବା ପରେ ବନ୍ୟପ୍ରାଣୀପ୍ରେମୀଙ୍କ ମଧ୍ୟରେ ଉତ୍ସୁକତା ପ୍ରକାଶ ପାଇଛି । ମାସ ମାସ ଧରି ଶିମିଳିପାଳରେ ରହିବା ମଧ୍ଯ ବିଭାଗ ଓ ଜିଲ୍ଲା ପାଇଁ ଖୁସିର ବିଷୟ । ଶିମିଳିପାଳକୁ ବାହାର ରାଜ୍ୟରୁ ବାଘ ଆସିବା ଜୈବବିବିଧତା ପାଇଁ ଶୁଭ ସଙ୍କେତ ବୋଲି ସେ କହିଛନ୍ତି ।
ସୂଚନାଯୋଗ୍ୟ, ଶିମିଳିପାଳରେ ଗତ ସେପ୍ଟେମ୍ବରରେ ଏକ ମହାବଳ ଛତିଶଗଡ଼ ପଟୁ ସୁନ୍ଦରଗଡ଼ ଜିଲ୍ଲାର ବଣାଇ ଜଙ୍ଗଲ ଦେଇ ଦେବଗଡ଼, ଢେଙ୍କାନାଳ -କାମାକ୍ଷାନଗର ଦେଇ ଡିସେମ୍ବର-ଜାନୁଆରୀରେ ଶିମିଳିପାଳରେ ପ୍ରବେଶ କରିଥିଲା । ସେତେବେଳେ ବାଘ ଗଣତି ପାଇଁ ଲାଗିଥିବା କ୍ୟାମେରା-ଟ୍ରାପ୍ରୁ ଏହା ଜଣାପଡ଼ିଥିଲା । କିନ୍ତୁ, ବାଘଟି କେଉଁ ରାଜ୍ୟରୁ ଆସିଛି, ତାହା ଜଣାପଡ଼ିନାହିଁ । ଏହା ଏକ ପ୍ରାପ୍ତବୟସ୍କ ଅଣ୍ଡିରା ବାଘ । କଳାବାଘ ଜେନେଟିକ୍ ପରିବର୍ତ୍ତନ ପାଇଁ ସରକାର ପଦକ୍ଷେପସ୍ୱରୂପ ମହାରାଷ୍ଟ୍ରରୁ ୨ଟି ବାଘୁଣୀ ଜିନତ ଓ ଯମୁନା ଆଣିଥିଲେ। ସେମାନେ ଏବେ ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପ ପରିଧ୍ ଅଞ୍ଚଳରେ ଅଛନ୍ତି ।
