ତାମିଲନାଡୁ ମୁଖ୍ୟମନ୍ତ୍ରୀ ତଥା ଅଭିନେତା ଥାଲାପତି ବିଜୟଙ୍କ ଫିଲ୍ମ ‘ଜନ ନାୟଗନ’ ଏବେ ବକ୍ସ ଅଫିସରେ କମାଲ କରିବାକୁ ଯାଉଛି । ଦୀର୍ଘଦିନରୁ ପ୍ରଶଂସକ ଅପେକ୍ଷା କରି ରହିଥିଲେ । ଏବେ ଫିଲ୍ମର ରିଲିଜ ଡେଟ୍ ସାମ୍ନାକୁ ଆସିଛି । ଥାଲାପତି ବିଜୟ ଫିଲ୍ମର ପୋଷ୍ଟର ସେୟାର କରି ରିଲିଜ ଡେଟ୍ ଘୋଷଣା କରିଛନ୍ତି ।
ବିଜୟ ପୋଷ୍ଟ କରି ଲେଖିଛନ୍ତି, ଜନ ନାୟଗନ ଜୁଲାଇ ୨୩ । ପୋଷ୍ଟରରେ ଥାଲାପତି ବିଜୟ ପୋଲିସ ଡ୍ରେସରେ ନଜର ଆସିଛନ୍ତି । ଆଖିରେ ଚଷମା ଲଗାଇ ହାତରେ ତଲୱାର ଧରିଥିବା ନଜର ଆସିଛନ୍ତି ।
ଥାଲାପତି ବିଜୟଙ୍କ ଫିଲ୍ମ ଜାନୁଆରୀରେ ରିଲିଜ ହେବାର ଥିଲା । କିନ୍ତୁ ଫିଲ୍ମକୁ ସେନ୍ସର ବୋର୍ଡ ସାର୍ଟିଫିକେଟ ମିଳିନଥିଲା । ଏହି କାରଣ ଯୋଗୁଁ ଫିଲ୍ମ ରିଲିଜ ହୋଇନଥିଲା । ଫିଲ୍ମକୁ ଏ ସାର୍ଟିଫିକେଟ ମିଳିବା ପରେ ରିଲିଜ ଡେଟ୍ ସାମ୍ନାକୁ ଆସିଛି । ୩ ଘଣ୍ଟା ୩ ମିନିଟର ଫିଲ୍ମ ଖୁବଶୀଘ୍ର ଜୁଲାଇ ୨୩ରେ ପରଦା ଉପରେ ନଜର ଆସିବ ।
ଏହି ଫିଲ୍ମ ଥାଲାପତି ବିଜୟଙ୍କ ଶେଷ ଫିଲ୍ମ । ତେଣୁ ଫ୍ୟାନ୍ସ ଏହାକୁ ନେଇ ବେଶ୍ ଉତ୍ସାହିତ ରହିଛନ୍ତି । ବିଜୟ ଏହାପରେ ଫିଲ୍ମରୁ ରିଟାୟରମେଣ୍ଟ ନେଇ ପଲିଟିକ୍ସରେ ଆକ୍ଟିଭ ରହିବେ । ଫ୍ୟାନ୍ସଙ୍କୁ ତାଙ୍କ ଆକ୍ସନ ଅବତାର ବେଶ୍ ପସନ୍ଦ ଆସିଛି ।
ଏହି ଫିଲ୍ମକୁ ଏଚ. ଭିନୋଥ ନିର୍ଦ୍ଦେଶନା ଦେଇଛନ୍ତି । ଫିଲ୍ମର ପ୍ରଯୋଜନା ଭେଙ୍କଟ କେ ନାରାୟଣନେ କରିଛନ୍ତି । ଫିଲ୍ମରେ ପୂଜା ହେଗଡେ, ବବି ଦେୱଲ ଏବଂ ମମିତା ବେଜୁ ଭଳି ଷ୍ଟାର ରହିଛନ୍ତି ।
