ସୋର : ଟ୍ରକକୁ ପିଟିଲା ବସ୍ , ୬ ଆହତ। ବାଲେଶ୍ବର ଜାତୀୟ ରାଜପଥ-୧୬ ଜାମୁଝାଡ଼ି ଗଳା ପୋଲ ଉପରେ ଦୁର୍ଘଟଣା । ଦୁର୍ଘଟଣାରେ ଡ୍ରାଇଭରଙ୍କ ସମେତ ୬ ଯାତ୍ରୀ ଆହତ। ଶାନ୍ତିଲତା ନାମକ ଏକ ଘରୋଇ ବସ୍ ପୁରୀରୁ ଟାଟା ଅଭିମୁଖେ ଯାଉଥିବାବେଳେ ଘଟିଥିଲା ଦୁର୍ଘଟଣା । ଆହତଙ୍କ ମଧ୍ୟରୁ ୪ ଜଣଙ୍କ ଅବସ୍ଥା ଗୁରୁତର ରହିଛି। ସେମାନଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ସିମୁଳିଆ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।
ସୂଚନାଯୋଗ୍ୟ , କିଛି ଦିନ ତଳେ କଟକରେ ଏକ ଦୁର୍ଘଟଣାର ଘଟଣା ସାମ୍ନାକୁ ଆସିଥିଲା । ବାଦାମବାଡ଼ି ପାଲାମଣ୍ଡପ ନିକଟରେ ବସ୍ ଦୁର୍ଘଟଣା ଘଟିଥିଲା । ଡିଭାଇଡର ଭାଙ୍ଗି ପଶି ଯାଇଥିଲା ଯାତ୍ରୀବାହୀ ବସ । ଘଟଣା ସ୍ଥଳରେ ବାଦାମବାଡ଼ି ଥାନା ପୋଲିସ ପହଞ୍ଚି ତଦନ୍ତ କରିଥିଲା । ଅଗ୍ନିଶମ ବାହିନୀ ସହାୟତାରେ ମଝି ରାସ୍ତାରୁ ହଟାଯାଇଥିଲା ବସ । ଲୁହା ବାଡ ବସ୍ ଭିତରେ ପଶି ଯାଇଥିଲା । ତେବେ ଯାତ୍ରୀ ଅଳ୍ପକେ ବର୍ତ୍ତି ଯାଇଥିଲେ ।
