ବହୁଚର୍ଚ୍ଚିତ ଭାପୁର ଦୁଷ୍କର୍ମ ଓ ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ଗିରଫ

ଢେଙ୍କାନାଳ : ବହୁଚର୍ଚ୍ଚିତ ଭାପୁର ଦୁଷ୍କର୍ମ ଓ ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ଗିରଫ। ଢେଙ୍କାନାଳ ଜିଲ୍ଲା ସାପୁଆ ନଦୀ ପଠାରେ ମହିଳାଙ୍କୁ ଦୁଷ୍କର୍ମ ଓ ହତ୍ୟା ଘଟଣାରେ ସୁକୁଟା ନାଏକ ଗିରଫ। ଦୀର୍ଘ ୨୮ ଦିନ ପରେ ସୁକୁଟାକୁ ଗିରଫ କଲା ଢେଙ୍କାନାଳ ସଦର ଥାନା ପୋଲିସ। ଏହା ସହ ହତ୍ୟା ଉଦ୍ୟମରେ ବ୍ୟବହୃତ ପଥରକୁ ବି ଜବତ କରାଯାଇଛି। ସୁକୁଟାକୁ ଗିରଫ ପରେ କୋର୍ଟ ଚାଲାଣ କରାଯାଇଥିବା କହିଛନ୍ତି ଢେଙ୍କାନାଳ ଏସପି ଅଭିନବ ସୋନକର। ଅପ୍ରେଲ ୨୭ରେ ଭାପୁର ଫାଣ୍ଡି ଅଞ୍ଚଳର ଜଣେ ୩୦ ବର୍ଷୀୟା ମହିଳା ଅପରାହ୍ନରେ ସାପୁଆ ନଦୀକୁ ଗାଧୋଇବାକୁ ଯାଇଥିବା ବେଳେ ଘଟିଥିଲା ଅଘଟଣ। ଅଭିଯୁକ୍ତ ସୁକୁଟା ତାଙ୍କୁ ଦୁଷ୍କର୍ମ କରିବା ପରେ ପ୍ରମାଣ ନଷ୍ଟ କରିବା ଉଦ୍ଦେଶ୍ୟରେ ତାଙ୍କ ମୁହଁକୁ ହାଣି ଦେଇଥିଲା।