ବାଉଁଶକୁମ୍ଭ ତଳେ ଚାପି ହୋଇ ଶାଶୁ ଓ ଵୋହୁ ମୃତ

ଭଞ୍ଜନଗର : କାଳବୈଶାଖୀ ବର୍ଷା ପବନରେ ଗଲା ୨ ଜୀବନ । ବର୍ଷା ପବନ ଯୋଗୁଁ ବାଉଁଶକୁମ୍ଭ ତଳେ ଚାପି ହୋଇଥିଲେ ଦୁଇ ମହିଳା ତଥା ଶାଶୁ ଓ ଵୋହୁ । ଭଞ୍ଜନଗର ଥାନା ଅନ୍ତର୍ଗତ ମୁଦୁଲିପଲ୍ଲୀ ଗାଁ ନିକଟର ଏଭଳି ଘଟଣା ଦେଖିବାକୁ ମିଳିଛି । ବର୍ଷା ଯୋଗୁଁ ଉଭୟ ସେଠାରେ ଆଶ୍ରୟ ନେଇଥିଲେ । ହଠାତ୍ ବାଉଁଶକୁମ୍ଭଟି ଉପୁଡ଼ି ଯିବାରୁ ଦୁଇ ମହିଳାଙ୍କ ଉପରେ ପଡ଼ିଯାଇଥିଲା । ମୃତ ଦୁଇ ମହିଳା ଶାଶୁ ଶୈଳ ବିଷୋୟୀ ଏବଂ ବୋହୁ ସନ୍ତୋଷିନୀ ବିଷୋୟୀ । ଖବର ପାଇ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କରି ସେମାନଙ୍କୁ ଭଞ୍ଜନଗର ମେଡିକାଲରେ ଭର୍ତ୍ତି କରିଥିଲେ । ହେଲେ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ ।