ବିନ୍ଦୁସାଗରରେ ଅଘଟଣ, ପୁଷ୍କରିଣୀରେ ବୁଡ଼ି ନାବାଳକଙ୍କ ମୃତ୍ୟୁ

ଭୁବନେଶ୍ୱର : ବିନ୍ଦୁସାଗରରେ ଅଘଟଣ । ପୁଷ୍କରିଣୀରେ ବୁଡ଼ି ନାବାଳକଙ୍କ ମୃତ୍ୟୁ । ମୃତକ ହେଲେ ଲକ୍ଷ୍ମୀସାଗର ଥାନା ଅଞ୍ଚଳର ରଞ୍ଜିତ ସିଂ । ସେ ନବମ ଶ୍ରେଣୀରେ ପଢୁଥିଲେ । ସାଙ୍ଗମାନଙ୍କ ସହ ବିନ୍ଦୁସାଗରକୁ ଗାଧୋଇବାକୁ ଆସିଥିବା ବେଳେ ଘରକୁ ଫେରିନଥିଲେ ରଞ୍ଜିତ । ସାଙ୍ଗମାନେ ଫେରିଥିଲେ ମଧ୍ୟ ରଞ୍ଜିତ ନ ଫେରିବାରୁ ପରିବାର ଲୋକଙ୍କ ସନ୍ଦେହ ବଢ଼ିଥିଲା । ପ୍ରଥମେ ପରିବାର ଲୋକେ ବିନ୍ଦୁସାଗରରେ ଖୋଜାଖୋଜି କରିଥିଲେ । ପରେ ODRF ଟିମକୁ ଖବର ଦିଆଯାଇଥିଲା । ODRF ଟିମ ଖୋଜାଖୋଜି କରି ରଞ୍ଜିତଙ୍କୁ ଉଦ୍ଧାର କରିଥିଲା । ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲକୁ ଆଣିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଘଟଣା ପରେ ପରିବାରରେ ଶୋକର ଛାୟା ଖେଳିଯାଇଛି । ଘଟଣା ନେଇ ଲିଙ୍ଗରାଜ ପୋଲିସ ଷ୍ଟେସନ ତଦନ୍ତ ଚଳାଇଛି ।