ରେଢ଼ାଖୋଲ : ରକ୍ତମୁଖା ଦନ୍ତା । ହାତୀ ଆତଙ୍କରେ ଭୟଭୀତ ରେଢ଼ାଖୋଲ କଦଳୀଗଡ ଅଞ୍ଚଳବାସୀ । ରେଢାଖୋଲ ବନଖଣ୍ଡ ବଡବାହାଳ ରେଞ୍ଜ କଦଳୀଗଡ, କନ୍ଧରା,ଧଉରାଖମଣ,ମହୁଲମୁଣ୍ଡା,ଡିମିରିମୁଣ୍ଡା ଓ ଆଖପାଖ ଗାଁରେ କିଛିଦିନ ହେବ ଗୋଠଛଡା ଦନ୍ତା ହାତୀ ଆତଙ୍କ ଖେଳାଇଛି । ରାତି ହେଲେ ଲୋକଙ୍କ ବାଡିରେ ପଶି ଆମ୍ବ,ପଣସ,କଦଳୀ ଭଳି ଗଛ ଭାଙ୍ଗି ନଷ୍ଟ କରୁଛି । ଲୋକେ ହାତୀକୁ ଘଉଡାଇବା ପାଇଁ ବାହାରିଲେ ହାତୀଟି ପାଲଟା ମାରିବାକୁ ଗୋଡାଉଛି। ଏଭଳି ବିଚିତ୍ର ଦୃଶ୍ଯ ମହୁଲମୁଣ୍ଡା ଓ ଡିମିରିମୁଣ୍ଡା ଗ୍ରାମରେ ଦେଖିବାକୁ ମିଳିଥିଲା । ରକ୍ତମୁଖା ହାତୀକୁ ନେଇ ବନ ବିଭାଗ ପକ୍ଷରୁ ସତର୍କ ସୂଚନା ଘୋଷଣା କରାଯାଇଥିବା ଜଣାଯାଇଛି।
କେବଳ ରେଢ଼ାଖୋଲରେ ନୁହେଁ ଅନେକ ଅଞ୍ଚଳରେ ହାତୀମାନଙ୍କ ଉପଦ୍ରବ ଦେଖିବାକୁ ମିଳୁଛି । ସହରରେ ବି ହାତୀ ଆତଙ୍କ ଦେଖିବାକୁ ମିଳୁଛି । ଯାହା ଲୋକଙ୍କ ଜନ ଜୀବନକୁ ପ୍ରଭାବିତ କରୁଛି । ଦିନକୁ ଦିନ ହାତୀମାନଙ୍କ ଉପଦ୍ରବ ଲୋକମାନଙ୍କୁ ଭୟଭୀତ କରୁଛି ।
