ଉତ୍ତରାଖଣ୍ଡ : ଶବ ଦାହ କରିବାକୁ ଯାଇ ଶବ ପାଲଟିଲେ। ଉତ୍ତରାଖଣ୍ଡ ତେହରି ଜିଲ୍ଲାରେ ଭୟଙ୍କର ସଡ଼କ ଦୁର୍ଘଟଣାରେ ୮ ଜଣଙ୍କ ମୃତ୍ୟୁ । ୩୦୦ ମିଟର ଖାଇକୁ ଭ୍ୟାନ୍ ଖସି ୮ ଜଣଙ୍କ ମୃତ୍ୟୁ ହୋଇଛି। ଚାମ୍ପା ବ୍ଲକ୍ ର ଚାମ୍ପା-କୋଟି ଘାଟି ରାସ୍ତାରେ ଘଟିଛି ଏହି ଦୁର୍ଘଟଣା। ପାଖାପାଖି ହଜାରେ ଫୁଟ ତଳକୁ ଭ୍ୟାନ୍ ଖସି ପଡ଼ିବାରୁ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ଦୁଇଜଣ ଗୁରୁତର ହୋଇଛନ୍ତି ।
ଗୁରୁତରଙ୍କୁ ନିକଟସ୍ଥ ଡିଏଚ୍ ବାଉରାରି ମେଡିକାଲରେ ଭର୍ତ୍ତି କରାଯାଇଛି। ପୋଲିସ, ସ୍ବାସ୍ଥ୍ୟବିଭାଗ ଓ SDRF ଟିମ୍ ପହଞ୍ଚି ମୃତାହତଙ୍କୁ ଉଦ୍ଧାର କରିଥିଲେ। ଭୀଷଣ ଦୁର୍ଘଟଣା ଯୋଗୁ ଗାଡ଼ି ସମ୍ପୂର୍ଣ୍ଣ ରୂପେ ଭାଙ୍ଗିରୁଜି ଚୁରମାର ହୋଇଛି। ତେହରି ଜିଲ୍ଲାପାଳ ନିକିତା ଖଣ୍ଡେଲୱାଲ ଓ ତେହେରି ବିଧାୟକ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟକୁ ତ୍ବରାନ୍ବିତ କରିଥିଲେ।
ତେବେ ଘନସାଲି ନିକଟସ୍ଥ ତିନୋଟି ଗାଁର ଲୋକେ ଜଣେବ୍ୟକ୍ତିଙ୍କ ଅନ୍ତିମ ସଂସ୍କାର ପାଇଁ ହରିଦ୍ବାର ଯାଇଥିଲେ। ଫେରିବା ବାଟରେ ଚାମ୍ପା-କୋଟି ଘାଟି ରାସ୍ତାରେ ତାଙ୍କ ଗାଡ଼ି ଦୁର୍ଘଟଣାଗ୍ରସ୍ତ ହୋଇଥିଲା। ସେପଟେ ମୃତକଙ୍କ ପରିବାରକୁ ସମବେଦନା ଜଣାଇବା ସହ ବାବା କେଦାରନାଥଙ୍କ ନିକଟରେ ଆହତଙ୍କ ଆଶୁ ଆରୋଗ୍ୟ କାମନ କରିଛନ୍ତି ମୁଖ୍ୟମନ୍ତ୍ରୀ ପୁଷ୍କରସିଂ ଧାମି।
