ପୁରୀ : ଅପରେସନ ଚକ୍ର ଅଭିଯାନରେ ପୁଣି ୪ ପେଷାଦାର ବ୍ରାଉନସୁଗର ବେପାରୀ ଗିରଫ । ପୁରୀ ଟାଉନ ଥାନା ପୋଲିସ ୪ ଅଭିଯୁକ୍ତଙ୍କୁ ଗିରଫ କରିଛି। କୁସୁନୁ ଖୁଣ୍ଟିଆ ଜାଗାପାଖରେ ଜଣେ ଆନ୍ତଃଜିଲ୍ଲା ବ୍ରାଉନ ସୁଗର ବେପାରୀ ୩ଜଣ ସ୍ଥାନୀୟ ବେପାରୀଙ୍କ ସହ ଡିଲ୍ କରୁଥିବା ବେଳେ ସମସ୍ତଙ୍କୁ ଗିରଫ କରିଥିଲା ଟାଉନ ଥାନା ପୋଲିସ ।
ସେମାନଙ୍କଠାରୁ ୧୫ ଗ୍ରାମ ବ୍ରାଉନ ସୁଗର , ୪ଟି ମୋବାଇଲ ଫୋନ୍, କିଛି ନଗଦ ଟଙ୍କା, ଗୋଟିଏ ବାଇକ୍ ଓ ଗୋଟିଏ ସ୍କୁଟି ଜବତ ହୋଇଛି । ଗିରଫ ଅଭିଯୁକ୍ତଙ୍କ ନାଁରେ ପୂର୍ବରୁ ବ୍ରାଉନସୁଗର କାରବାର ମାମଲା ସହ ଦାଦାବଟି, ଚୋରି, ଆକ୍ରମଣ ଓ ହତ୍ୟା ଉଦ୍ୟମ ପରି ସଙ୍ଗିନ୍ ମାମଲା ବିଭିନ୍ନ ଥାନାରେ ରହିଛି । ଗିରଫ ଅଭିଯୁକ୍ତମାନେ ହେଲେ ଲିପୁ ଓରଫ ଜ୍ୟୋତି ରଞ୍ଜନ ଶତପଥୀ , ଗୁଡୁ ଓରଫ ରାକେଶ ସାହୁ,ବିଭୁ ଓରଫ ବିଶ୍ଵଜିତ ନାୟକ ଓ ହିମାଂଶୁ ଶେଖର ନାୟକ ।
