କାର ଧକ୍କାରେ ବାଇକ ଚାଳକଙ୍କ ମୃତ୍ୟୁ, ପୋଲିସର ତଦନ୍ତ ଆରମ୍ଭ

ବୌଦ୍ଧ  :  ଗଞ୍ଜେଇ ଭର୍ତ୍ତି ଇନୋଭା କାର ଧକ୍କାରେ ବାଇକ ଚାଳକଙ୍କ ମୃତ୍ୟୁ । ଖୋର୍ଦ୍ଧା-ବଲାଙ୍ଗିର ୫୭ ନଂ ଜାତୀୟ ରାଜପଥର ବୌଦ୍ଧ ଥାନା ଅନ୍ତର୍ଗତ ଚମ୍ପାପୁର ଛକରେ ଭୟଙ୍କର ଦୁର୍ଘଟଣା ।  ମୃତକ ହେଲେ ଚମ୍ପାପୁର ଗ୍ରାମର ଅଶୋକ ଅଦର । ଘଟଣା ସ୍ଥଳରେ ଳାଗିରହିଛି ଉତ୍ତେଜନା । ସେପଟେ ପୋଲିସର ତଦନ୍ତ ଆରମ୍ଭ ହୋଇଛି । ଫୁଲବାଣି ପଟୁ ବୌଦ୍ଧ ଅଭିମୁଖେ ଯାଉଥିବା ଏକ ଗଞ୍ଜେଇ ବୋଝେଇ ଇନୋଭା କାରଟି ଏକ ବାଇକକୁ ଧକ୍କା ଦେଇଥିଲା । ଫଳରେ ବାଇକଟି ୨୦ ଫୁଟ ତଳକୁ ଖସି ପଡିଥିବାବେଳେ ଘଟଣା ସ୍ଥଳରେହିଁ ବାଇକ ଚାଳକଙ୍କ ମୃତ୍ୟୂ ହୋଇଥିଲା । ଇନୋଭା କାର ଚାଳକକୁ ପୋଲିସ କାବୁ କରିଥିବାବେଳେ ଗଞ୍ଜେଇ ଭର୍ତ୍ତି ଇନୋଭା କାରକୁ ଜବତ କରି ଅଧିକ ତଦନ୍ତ ଜାରି ରଖିଛି । ଅନ୍ୟପଟେ ମୃତକଙ୍କ ପରିବାରଙ୍କୁ କ୍ଷତିପୁରଣ ଯୋଗାଇଦେବା ଦାବିରେ ଉତ୍ୟକ୍ତ ଲୋକେ କିଛି ସମୟ ଧରି ରାସ୍ତା ରୋକ କରିଥିଲେ । ପରେ ପୋଲିସ ପକ୍ଷରୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା ।