ପଞ୍ଜାବୀ ସିଙ୍ଗର ଏବଂ ଅଭିନେତ୍ରୀ ସୁନନ୍ଦା ଶର୍ମା “ଜଟ୍ ୟମଲା,” “ଜାନି ତେରା ନା,” “ପାଗଲ ନହି ହୋନା,” ଏବଂ “ଚୋରି ଚୋରି” ହିଟ୍ ଗୀତଗୁଡିକ ପାଇଁ ବେଶ୍ ଚର୍ଚ୍ଚିତ । ଏପ୍ରିଲ୍ ୩ ତାରିଖରେ ଗାଜିଆବାଦର ରାଜ କୁମାର ଗୋଏଲ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (RKGIT)ରେ କନସର୍ଟ ଶୋ’ ଆୟୋଜିତ ହୋଇଥିଲା । ପରଫରମାନ୍ସ ସମୟରେ ସେ ଖୁବ୍ ଏନଜଏ କରୁଥିବା ନଜର ଆସିଥିଲେ । କିନ୍ତୁ ସେହି ସମୟରେ ଜଣେ ଫ୍ୟାନ୍ସ ହଠାତ୍ ଷ୍ଟେଜ୍ ଉପରେ ଚଢି ଯାଇ ତାଙ୍କ ପାଦ ଛୁଇଁଥିଲେ । ଫଳରେ ସିଙ୍ଗର ସୁନନ୍ଦା ଭୟଭୀତ ହୋଇପଡିଥିଲେ । ଫଳରେ ସେ ଆଉ ପରଫରମାନ୍ସ ଦେଇନଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଜୋରରେ ଭାଇରଲ ହେବାରେ ଲାଗିଛି ।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ ସୁନନ୍ଦା ଶର୍ମା ହ୍ବାଇଟ୍ ଟି-ସାର୍ଟ ସହିତ ବ୍ୟାଗି ଜିନ୍ସ ପିନ୍ଧିଥିବାର ନଜର ଆସିଥିଲେ । ସୁନନ୍ଦା ଗୀତ ଗାଇବାରେ ମଗ୍ନ ଥିବା ବେଳେ ହଠାତ୍ ଜଣେ ପ୍ରଶଂସକ ଷ୍ଟେଜ୍ ଉପରେ ଚଢି ଯାଇଥିଲେ । ଯେତେବେଳେ ପ୍ରଶଂସକ ଜଣକ ସିଙ୍ଗରଙ୍କ ପାଦ ଛୁଇଁବାକୁ ଚେଷ୍ଟା କରିଥିଲେ ସେତେବେଳେ ସେ ହଠାତ୍ ଭୟରେ ଚିତ୍କାର କରିଥିଲେ । ଏହା ପରେ ପୋଲିସ ଅଧିକାରୀ ଏବଂ ବାଉନ୍ସର ଯୁବ ପ୍ରଶଂସକଙ୍କୁ ତୁରନ୍ତ ସେହି ସ୍ଥାନରୁ ବାହାର କରିଦେଇଥିଲେ । କିନ୍ତୁ ଏପର୍ଯ୍ୟନ୍ତ ସୁଦ୍ଧା ସୁନନ୍ଦା ଶର୍ମା ଏହି ଘଟଣା ଉପରେ କୌଣସି ମନ୍ତବ୍ୟ ଦେଇନାହାଁନ୍ତି । ତଥାପି ଏହି ଭିଡିଓ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି ।
ଏଥିସହ ଗାଜିଆବାଦ ପୋଲିସ ଅଭିଯୁକ୍ତକୁ ହେପାଜତକୁ ନେଇ ପଚରାଉଚରା କରୁଛି । ଏହି ଘଟଣା ପରେ ସୁନନ୍ଦା ଏତେ ଭୟଭୀତ ହୋଇଯାଇଥିଲେ ଯେ ସେ ଆଉ ଷ୍ଟେଜକୁ ଫେରିନଥିଲେ । ଦର୍ଶକଙ୍କ ବାରମ୍ବାର ଅନୁରୋଧ ସତ୍ତ୍ୱେ ତାଙ୍କ ଟିମ୍ ଶୋ’ ବନ୍ଦ କରିବାକୁ ନିଷ୍ପତ୍ତି ନେଇଥିଲେ ।
ଯଦି ତାଙ୍କ କ୍ୟାରିଅର କଥା କୁହାଯାଏ ତେବେ ସେ “ବିଲି ଆଖ” ଗୀତରୁ ତାଙ୍କର ମ୍ୟୁଜିକ୍ କ୍ୟାରିଅର ଆରମ୍ଭ କରିଥିଲେ । ୨୦୧୭ରେ ତାଙ୍କର ବ୍ଲକବଷ୍ଟର ହିଟ୍ ଗୀତ “ଜାନି ତେରା ନା” ତାଙ୍କୁ ଘରେ ଘରେ ପରିଚିତ କରାଇଥିଲା । ସୁନନ୍ଦା ଦିଲଜିତ ଦୋସାଞ୍ଜଙ୍କ ବିପକ୍ଷରେ “ସଜ୍ଜନ ସିଂହ ରଙ୍ଗରୁଟ୍” ଚଳଚ୍ଚିତ୍ରରେ ଅଭିନୟ ଆରମ୍ଭ କରିଥିଲେ ।
