ଜମ୍ମୁ କଶ୍ମୀର : ଜମ୍ମୁ କଶ୍ମୀର ଭାରତ-ପାକିସ୍ତାନ ଇଣ୍ଟରନ୍ୟାସନାଲ ସୀମା ସାମ୍ବା ଏବଂ କଠୁଆରେ ପୁଣି ଦୁଇ ଥର ସନ୍ଦିଗ୍ଧ ଡ୍ରୋନ୍ ଦେଖିବାକୁ ମିଳିଛି । କଠୁଆର ବେବିୟା ଅଞ୍ଚଳ ଏବଂ ସାମ୍ବାର ଟାରୋର ଅଞ୍ଚଳରେ ସନ୍ଦିଗ୍ଧ ଡ୍ରୋନ୍ ଦେଖିବାକୁ ମିଳିଛି । ସନ୍ଦିଗ୍ଧ ଡ୍ରୋନ ଦେଖିବା ପରେ ବିଏସ୍ଏଫ ପକ୍ଷରୁ ସର୍ଚ୍ଚ ଅପରେସନ ଜାରି କରାଯାଇଛି । ଶୁକ୍ରବାର ବିଳମ୍ବିତ ରାତିରେ ସାମ୍ବାର ବିଜୟପୁର ଅଞ୍ଚଳରେ ତାରୋର ଗାଁ ଉପରେ ସେନାର ଯବାନ ଆକାଶରେ ଏକ ଜିନିଷ ଦେଖିଥିଲେ, ଯାହା ପାକିସ୍ତାନୀ ଡ୍ରୋନ ହୋଇଥିବା ଆଶଙ୍କା କରାଯାଉଛି । ଏହାପରେ କାଉଣ୍ଟର-ଡ୍ରୋନ ଉପାୟ ଆରମ୍ଭ କରାଯାଉଛି ।
ସେନା ପକ୍ଷରୁ କୁହାଯାଇଛି କି, ଡ୍ରୋନ୍ ଇଣ୍ଟରନ୍ୟାସନାଲ ବର୍ଡର ପାର କରି ପାକିସ୍ତାନ ଫେରିଯାଇଛି । ଶୁକ୍ରବାର ସନ୍ଧ୍ୟାରେ କଠୁଆ ଜିଲ୍ଲାର ହୀରାନଗର ସେକ୍ଟରରେ ଚକ ନଳୁଆ ଗାଁ ଉପରେ ଏକ ସନ୍ଦିଗ୍ଧ ଡ୍ରୋନ୍ ଉଡୁଥିବା ଦେଖିବାକୁ ମିଳିଛି । ସୁରକ୍ଷାବଳ ଦୁଇଟି ଯାକ ସ୍ଥାନରେ ଡ୍ରୋନ କିମ୍ବା ସନ୍ଦିଗ୍ଧ ବସ୍ତୁ ଉଡିବା ନେଇ ପତ୍ତା ଲଗାଇବା ପାଇଁ ସର୍ଚ୍ଚ ଅପରେସନ ଜାରି କରିଛି ।
ଜମ୍ମୁ କଶ୍ମୀରରେ ଏଭଳି ଗତିବିଧି ପାଇଁ ସେନା ସବୁବେଳେ ସଜାଗ ରହିଥାଏ । ବିଭିନ୍ନ ସ୍ଥାନରେ ସର୍ଚ୍ଚ ଅପରେସନ ଜାରି ରଖିଥାଏ ସେନା । ଏଭଳି ସ୍ଥଳେ ଦୁଇଥର ସନ୍ଦିଗ୍ଧ ଡ୍ରୋନ ଦେଖି ଯବାନ ପୁଣିଥରେ ସଜାଗ ହୋଇ ସର୍ଚ୍ଚ ଅପରେସନ ଆରମ୍ଭ କରିଛି । ସେପଟେ ପାକିସ୍ତାନରେ ଆତ୍ମଘାତୀ ବିସ୍ଫୋରଣ ଯୋଗୁଁ ୧୨ ଯବାନଙ୍କ ସହିତ ୩ ଜଣଙ୍କ ଜୀବନ ଚାଲିଯାଇଛି । ଏହାର ପ୍ରତି ଆକ୍ରମଣରେ ୧୨ ଜଣ ଆତଙ୍କୀଙ୍କ ଜୀବନ ଯାଇଛି ବୋଲି ଜଣାପଡିଛି ।
