ଅନୁଗୁଳ: ଅନୁଗୁଳ କିଆକଟା ଛକରେ ଭୟଙ୍କର ଦୁର୍ଘଟଣା । ବିବାହ ସାରି ବରଯାତ୍ରୀ ଘରକୁ ଫେରୁଥିବା ବେଳେ ବୋଲେରୋ ସହ ଟ୍ରାକ୍ଟର ମୁହାଁମୁହିଁ ଧକ୍କା । ଦୁର୍ଘଟଣାରେ ଡ୍ରାଇଭର ସମେତ ୨ ଗୁରୁତର ଓ ଅନ୍ୟ ୩ ଆହତ । ସମସ୍ତଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଗତକାଲି ବିଳମ୍ବିତ ରାତିରେ ବିବାହରୁ ଫେରୁଥିବା ବରଯାତ୍ରୀ ଗାଡ଼ି କିଆକଟା ଠାରେ ଦୁର୍ଘଟଣାର ସମ୍ମୁଖୀନ ହୋଇଥିଲା । କଦଳୀଗଡ ଗାଁରୁ ଏକ ବରଯାତ୍ରୀ ଗାଡ଼ି ରାମଗଡ ଯାଇଥିଲା ।
ସେଠାରେ ବିବାହ ସାରି ଫେରୁଥିବା ବେଳେ ରେଢାଖୋଲ–ବୌଦ୍ଧ ୧୫୩ନମ୍ବର ଜାତୀୟ ରାଜପଥ କିଆକଟା ଛକ ନିକଟରେ ଟ୍ରାକ୍ଟର ସହ ଧକ୍କା ହୋଇଥିଲା । ଦୁର୍ଘଟଣା ପରେ ପଛରେ ଆସୁଥିବା ଅନ୍ୟ ବରଯାତ୍ରୀ ଗାଡ଼ିର ଲୋକେ ଆହତଙ୍କୁ ଉଦ୍ଧାର କରି ବୌଦ୍ଧ ମେଡିକାଲ ପଠାଇଥିଲେ । ଗୁରୁତର ଥିବା ଡ୍ରାଇଭର ଓ ଅନ୍ୟ ଜଣଙ୍କୁ ବୁର୍ଲା ମେଡିକାଲ ସ୍ଥାନାନ୍ତର କରାଯାଇଛି । କିଆକଟା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
