୨୦୨୪ ସାଧାରଣ ନିର୍ବାଚନ ପୂର୍ବରୁ କଂଗ୍ରେସର ନୂଆ ଟିମ ଘୋଷଣା । ଉତ୍ତରପ୍ରଦେଶ ପ୍ରଭାରୀ ପଦରୁ ହଟିଲେ ସାଧାରଣ ସଂପାଦକ ପ୍ରିୟଙ୍କା ଗାନ୍ଧୀ। ପ୍ରିୟଙ୍କା ଏବେ ଦଳର ମହାସଚିବ ପଦରେ ରହିବେ । ତାଙ୍କୁ କୌଣସି ଦାୟିତ୍ବ ଦିଆଯାଇ ନାହିଁ । ବାରଣାସୀ ଲୋକସଭା ଆସରରେ ପିଏମ ନରେନ୍ଦ୍ର ମୋଦିଙ୍କ ବିରୋଧରେ ଟାଣୁଆ ପ୍ରାଥୀ ଦେବାକୁ ଚାହୁଁଛି ଇଣ୍ଡିଆ ମେଣ୍ଟ । ସେଠାରେ ପ୍ରିୟଙ୍କାଙ୍କୁ ପ୍ରାର୍ଥୀ କରିବା ନେଇ ଚର୍ଚ୍ଚା ଆରମ୍ଭ ହୋଇଛି ।
ରାଜସ୍ଥାନର ପୂର୍ବତନ ଉପମୁଖ୍ୟମନ୍ତ୍ରୀ ସଚିନ୍ ପାଇଲଟଙ୍କୁ ଛତିଶଗଡ଼ ଦାୟିତ୍ବ ଦିଆଯାଇଛି । ରମେଶ ଚେନିଥାଲାଙ୍କୁ ମହାରାଷ୍ଟ୍ର ପ୍ରଭାରୀ ଭାବେ ନିଯୁକ୍ତି ମଳିଛି। ଓଡ଼ିଶାର ପିସିସି ପ୍ରଭାରୀ ବି ବଦଳାଯାଇଛି । ଝାରଖଣ୍ଡ ଜାମସେଦପୁର ପୂର୍ବତନ ସାଂସଦ ଅଜୟ କୁମାର ନୂଆ ପିସିସି ପ୍ରଭାରୀ ନିଯୁକ୍ତ କରାଯାଇଛି । ଜିତେନ୍ଦ୍ରଙ୍କୁ ଆସାମ ଓ ମଧ୍ୟପ୍ରଦେଶ ଅତିରିକ୍ତ ଦାୟିତ୍ବ ଦିଆଯାଇଛି ।
ସେହିପରି ମୋହନ ପ୍ରକାଶଙ୍କୁ ବିହାର ଦାୟିତ୍ବ ମିଳିଛି । ରାଜୀବ ଶୁକ୍ଳାଙ୍କୁ ହିମାଚଳ ଓ ଚଣ୍ଡୀଗଡ଼ ପ୍ରଭାରୀ ହୋଇଛନ୍ତି । ଦେବେନ୍ଦ୍ର ଯାଦବଙ୍କୁ ପଞ୍ଜାବ ପ୍ରଭାରୀ ଦାୟିତ୍ବ ମିଳିଛି । ରାଜୀବ ଶୁକ୍ଳାଙ୍କୁ ହିମାଚଳ ଓ ଚଣ୍ଡୀଗଡ଼, ଦେବେନ୍ଦ୍ର ଯାଦବଙ୍କୁ ପଞ୍ଜାବ ଓ ଚେଲ୍ଲା କୁମାରଙ୍କୁ ମେଘାଳୟ, ମିଜୋରାମ ଓ ଅରୁଣାଚଳ ପ୍ରଭାରୀ ଭାବେ ନିଯୁକ୍ତ ମିଳିଛି।
