ସାମ୍ନାକୁ ଆସିଲା ‘ମିର୍ଜାପୁର ଦି ଫିଲ୍ମ’ର ଦମଦାର ଟିଜର୍ । ୱେବ୍ ସିରିଜ୍ ମିର୍ଜାପୁର ଉପରେ ଏକ ଫିଲ୍ମ ନିର୍ମାଣ କରାଯାଉଥିବା ପ୍ରକାଶ କରି ଫରହାନ ଅଖତର ଇନଷ୍ଟାଗ୍ରାମରେ ଦୀର୍ଘ ଦିନ ଧରି ଚାଲିଥିବା ଗୁଜବର ପୁଷ୍ଟି କରିଛନ୍ତି । ମିର୍ଜାପୁର ୱେବ୍ ସିରିଜର ସହ-ନିର୍ମାତା ହିଁ ‘ମିର୍ଜାପୁର ଦି ଫିଲ୍ମ’ର ନିର୍ମାତା ଅଟନ୍ତି । ସେ ଏକ ଭିଡିଓ ସେୟାର କରିଛନ୍ତି ଯେଉଁଥିରେ ପଙ୍କଜ ତ୍ରିପାଠୀ, ଅଲି ଫାଜଲ ଏବଂ ଦିବ୍ୟନ୍ଦୁ ନଜର ଆସିଛନ୍ତି । ଏକଦମ୍ ମିର୍ଜାପୁର ଷ୍ଟାଇଲରେ ଏହି ଫିଲ୍ମର ଘୋଷଣା କରାଯାଇଛି । ସେ ପ୍ରକାଶ କରିଛନ୍ତି ଯେ ଛୋଟ ପରଦାର ଯାଦୁ ଏବେ ବଡ ପରଦାରେ ଦେଖିବାକୁ ମିଳିବ ।
‘ମିର୍ଜାପୁର ଫିଲ୍ମ’ର USP ରେ ଏକ ବିରାଟ ପରିବର୍ତ୍ତନ ହେବାକୁ ଯାଉଛି । ୱେବ୍ ସିରିଜ୍ ମିର୍ଜାପୁର ସିଜନ୍ 3 ରିଲିଜ୍ ହେବାର ମାସକ ପରେ ନିର୍ମାତାମାନେ ବର୍ତ୍ତମାନ ‘ମିର୍ଜାପୁର ଦି ଫିଲ୍ମ’ ଘୋଷଣା କରିଛନ୍ତି । ସୋମବାର ପ୍ରାଇମ ଭିଡିଓ ଇଣ୍ଡିଆ ପଙ୍କଜ ତ୍ରିପାଠୀ, ଅଲି ଫଜଲ, ଅଭିଷେକ ବାନାର୍ଜୀ ଏବଂ ଦିବ୍ୟନ୍ଦୁଙ୍କ ଉପରେ ଆଧାରିତ ଏକ ଭିଡିଓ ସେୟାର କରି ସୋସିଆଲ ମିଡିଆରେ ଆଲୋଡ଼ନ ସୃଷ୍ଟି କରିଛି । ୨ ମିନିଟରୁ ଅଧିକ ସମୟର ଏହି ଲମ୍ବା ଭିଡିଓ ଏହା ମଧ୍ୟ ସୂଚିତ କରେ ଯେ ୱେବ୍ ସିରିଜରେ ମୁନ୍ନା ତ୍ରିପାଠୀଙ୍କ ଚରିତ୍ରରେ ଅଭିନୟ କରିଥିବା ଦିବ୍ୟନ୍ଦୁ କମ୍ ବ୍ୟାକ୍ କରିଛନ୍ତି ।
ସିଜନ୍ 2 ରେ ତାଙ୍କ ଚରିତ୍ରକୁ ହତ୍ୟା କରାଯାଇଥିଲା ଏବଂ ସିଜନ୍ 3 ରେ ସେ ଆଉ ନଜର ଆସିନଥିଲେ । ତେବେ ଏଥର ଆପଣମାନେ ମିର୍ଜାପୁରର ସିଂହାସନ ପାଇଁ ଗୁଡ଼ୁ ପଣ୍ଡିତ ଏବଂ ମୁନ୍ନା ଭାଇଙ୍କ ମଧ୍ୟରେ ଏକ ଭୟଙ୍କର ଯୁଦ୍ଧ ଦେଖିବାକୁ ଯାଉଛନ୍ତି । ପଙ୍କଜ ତ୍ରିପାଠୀ, ଅଲି ଫାଜଲ, ଅଭିଷେକ ବାନାର୍ଜୀ ଏବଂ ଦିବ୍ୟନ୍ଦୁଙ୍କ ବ୍ୟତୀତ ଫିଲ୍ମର କୌଣସି କଳାକାରଙ୍କ ବିଷୟରେ ଏପର୍ଯ୍ୟନ୍ତ କୌଣସି ସୂଚନା ଦିଆଯାଇ ନାହିଁ । ତଥାପି, ଦେଖାଯାଉଛି ଯେ ପୁରୁଣା କାଷ୍ଟମାନେ ପୁଣିଥରେ ସେମାନଙ୍କ ଭୂମିକା ନିଭାଇପାରନ୍ତି । ଏହାପୂର୍ବରୁ ଏଭଳି ମଧ୍ୟ ଗୁଜବ ଥିଲା ଯେ ହ୍ରିତିକ ରୋଶନ କାଲିନ ଭୟା ଭୂମିକାରେ ଅଭିନୟ କରିପାରନ୍ତି ।
କିନ୍ତୁ ନିର୍ମାତାମାନେ ଏନେଇ ଏପର୍ଯ୍ୟନ୍ତ କୌଣସି ନିଶ୍ଚିତକରଣ କରିନାହାଁନ୍ତି । Excel ଏଣ୍ଟରଟେନମେଣ୍ଟ ପ୍ରଡକ୍ସନ ନଭେମ୍ବର ୨୦୧୮ ରେ କ୍ରାଇମ ଥ୍ରୀଲରର ପ୍ରଥମ ସିଜନ୍ ଏବଂ ଅକ୍ଟୋବର ୨୦୨୦ ରେ ସିଜନ୍ 2 ରିଲିଜ କରିଥିଲା । ଶୋ’ର ତୃତୀୟ ସିଜନ୍ ଜୁଲାଇ ୨୦୨୪ ରେ ରିଲିଜ ହୋଇଥିଲା । ପୁଣ୍ୟ କୃଷ୍ଣଙ୍କ ଦ୍ୱାରା ନିର୍ମିତ ଏବଂ ଗୁରୁମିତ ସିଂଙ୍କ ନିର୍ଦ୍ଦେଶିତ ଏହି ଫିଲ୍ମ ମିର୍ଜାପୁର ୨୦୨୬ ରେ ରିଲିଜ ହେବାର ସୂଚନା ରହିଛି । କମ୍ପାଉଣ୍ଡର ଭାବରେ ଏହି ସିରିଜରେ ଅଭିନୟ କରିଥିବା ଅଭିଷେକ ବାନାର୍ଜୀଙ୍କ ସହ ପଙ୍କଜ ତ୍ରିପାଠୀ (କାଲିନ୍ ଭୟା), ଅଲି ଫାଜଲ (ଗୁଡ଼ୁ ପଣ୍ଡିତ) ଏବଂ ଦିବ୍ୟନ୍ଦୁ (ମୁନ୍ନା ଭୟା) ଙ୍କ କମ୍ ବ୍ୟାକ୍ ଦେଖିବାକୁ ମିଳିବ । ଏହାର ୩ଟି ସିଜନ୍ ୱେବ୍ ସିରିଜ୍କୁ ଦର୍ଶକମାନେ ବହୁତ ପସନ୍ଦ କରିଥିଲେ । ୩ ଟି ସିଜିନ୍ରେ ଭଲ ସଫଳତା ମିଳିବା ଯୋଗୁ ନିର୍ମାତାମାନେ ଏହା ଉପରେ ଏକ ଫିଲ୍ମ ଆଣିବାକୁ ଯୋଜନା କରିଛନ୍ତି ।
