ନୂଆଦିଲ୍ଲୀ: କାନାଡାରେ ରହୁଥିବା ଗ୍ୟାଙ୍ଗ୍ଷ୍ଟର୍ ଲଖବୀର ସିଂହ ଲାଣ୍ଡାଙ୍କୁ ଶୁକ୍ରବାର ଦିନ ଜାରି କରିଥିବା ବିଜ୍ଞପ୍ତିରେ କେନ୍ଦ୍ର ଗୃହମନ୍ତ୍ରାଳୟ ଆତଙ୍କବାଦୀ ବୋଲି ଘୋଷଣା କରିଛି। ‘ଅନ୍ଲଫୁଲ୍ ଆକ୍ଟିଭିଟିଜ୍’ (ପ୍ରିଭେନ୍ସନ୍) ଆକ୍ଟ୍’ (ୟୁଏପିଏ) ଆଇନ ଅନୁଯାୟୀ ପଳାତକ ତଥା ‘ବାବ୍ବର୍ ଖଲ୍ସା ଇଣ୍ଟର୍ନ୍ୟାସ୍ନାଲ୍’ର (ବିକେଆଇ) ନେତା ଲଖବୀରଙ୍କୁ ‘ଡେଜିଗ୍ନେଟେଡ୍ ଟେରରିଷ୍ଟ୍’ ଘୋଷଣା କରାଯାଇଛି ବୋଲି ଉକ୍ତ ବିଜ୍ଞପ୍ତିରେ ଉଲ୍ଲେଖ ଅଛି। ପଞ୍ଜାବ ଅନ୍ତର୍ଗତ ତରନ ତାରନ ଜିଲ୍ଲାର ମୂଳ ବାସିନ୍ଦା ଲଖବୀର ଗତ କେତେ ବର୍ଷ ହେବ ଯାଇ କାନାଡାରେ ରହୁଛନ୍ତି। ଭାରତ ବିରୋଧରେ ଚାଲିଥିବା ଷଡ଼ଯନ୍ତ୍ରରେ ସେ ସମ୍ପୃକ୍ତ ଥିବା କଥା ଜଣାପଡ଼ିଛି।
