ଶବଦାହ ରେଜିଷ୍ଟ୍ରେସନ୍ ପାଇଁ ଆସିଲା ସ୍ଵର୍ଗଦ୍ଵାର ମୋବାଇଲ ଆପ୍

ପୁରୀ: ସ୍ଵର୍ଗଦ୍ଵାର ପରିସରରେ ପୁରୀ ଜିଲ୍ଲାପାଳ ଶ୍ରୀ ବିଜୟ କୁମାର ଦାଶ ସ୍ଵର୍ଗଦ୍ଵାର ମୋବାଇଲ ଆପ୍ ର ଲୋକାର୍ପଣ କରିଛନ୍ତି । ଏହି ମୋବାଇଲ ଆପ୍ ରୁ ସ୍ୱର୍ଗଦ୍ୱାରରେ ମିଳୁଥିବା ସମସ୍ତ ସେବା ବିଷୟରେ ସହଜରେ ଜାଣି ପାରିବା ସହ ଶବଦାହ ପାଇଁ ରେଜିଷ୍ଟ୍ରେସନ୍ କରିପାରିବେ । ଏହି ଆପ ଓଡ଼ିଆ ହିନ୍ଦୀ ଓ ଇଂରାଜୀ ତିନୋଟି ଭାଷାରେ ସୂଚନା ଉପଲବ୍ଧ କରାଇବ । ଏହି କାର୍ଯ୍ୟକ୍ରମରେ ସୂଚନା ଲୋକ ସମ୍ପର୍କ ଅଧିକାରୀ ସନ୍ତୋଷ କୁମାର ସେଠୀ, ଜିଲ୍ଲା ସଂସ୍କୃତି ଅଧିକାରୀ ହେମନ୍ତ ବେହେରା, ଷ୍ଟେଟ ବ୍ୟାଙ୍କ ମୁଖ୍ୟ ଶାଖାର ମୁଖ୍ୟ ପ୍ରବନ୍ଧକ ଶ୍ରୀ ବିଜୟ କୁମାର ଶତପଥୀ ଏବଂ ଅନ୍ୟାନ୍ୟ ଅଧିକାରୀଗଣ ଉପସ୍ଥିତ ଥିଲେ ।